ବିଜେଡି ଛାଡ଼ିଲେ ଆଉ ଜଣେ, ଜାଣନ୍ତୁ କିଏ ସେ
ANGIKAR NEWS
7409
ଭୁବନେଶ୍ୱର:ନିର୍ବାଚନ ତାରିଖ ଯେତେ ପାଖେଇ ଆସୁଛି ବିଭିନ୍ନ ରାଜନେତାଙ୍କ ଇସ୍ତଫା ତାଲିକା ଧୀରେ ଧୀରେ ବଢିବାରେ ଲାଗିଛି । ରାଜ୍ୟର ୩ ପ୍ରମୁଖ ଦଳ ବିଜେଡି, ବିଜେପି ଓ କଂଗ୍ରେସରେ ଇସ୍ତଫା ଧାରା ଜାରି ରହିଛି । ଏହି କ୍ରମରେ ଆଜି ଜଣେ ବିଜେଡି ନେତ୍ରୀ ଦଳ ଛାଡ଼ିଛନ୍ତି । ସେ ହେଉଛନ୍ତି ବରିଷ୍ଠ ନେତ୍ରୀ ଜ୍ୟୋତି ପାଣିଗ୍ରାହୀ ।
ପୂର୍ବତନ ମହିଳା କମିଶନ ଅଧ୍ୟକ୍ଷା ଜ୍ୟୋତି ପାଣିଗ୍ରାହୀ ଗୁରୁବାର ବିଜେଡିକୁ ବାଏ ବାଏ କରିଦେଇଛନ୍ତି । କେବଳ ସେ ନୁହନ୍ତି, ତାଙ୍କ ସହ ତାଙ୍କ ସ୍ୱାମୀ ସରୋଜ ପାଣିଗ୍ରାହୀ ବି ବିଜେଡି ଛାଡ଼ିଛନ୍ତି ।
ଉଭୟ ନିଜର ଇସ୍ତଫାପତ୍ର ବିଜେଡି ସୁମ୍ରିମୋଙ୍କୁ ପାଖକୁ ପଠାଇଛନ୍ତି । ଜ୍ୟୋତି ପାଣିଗ୍ରାହୀ ସୁନ୍ଦରଗଡ଼ ବିଜେଡିର ପର୍ଯ୍ୟବେକ୍ଷକ ଥିଲେ । ତେବେ ଇସ୍ତଫା ପରେ ସେ କହିଛନ୍ତି ଯେ ବିଜେଡିରେ ଆଉ ଗଣତନ୍ତ୍ର ନାହିଁ । ଦଳର ନେତାଙ୍କୁ ଆଉ ଭେଟି ହେଉନାହିଁ । ସେହିପରି ସରୋଜ କହିଛନ୍ତି ଯେ ତାଙ୍କୁ ଦଳରେ ଅବହେଳା ଓ ଅଣଦେଖା କରାଯାଉଥିଲା ।
