ଗଣମାଧ୍ୟମରେ ଆପତ୍ତିଜନକ ମନ୍ତବ୍ୟ ଦେଇ ବିଜେପି ନେତ୍ରୀ ଗିରଫ
user1
8262
ବେଙ୍ଗାଲୁରୁ: କର୍ଣ୍ଣାଟକର ଉଡୁପିସ୍ଥିତ ଏକ ଘରୋଇ ତାଲିମ ମହାବିଦ୍ୟାଳୟ ପରିସ୍ରାଗାର ମାମଲା ସମ୍ପର୍କରେ ସାମାଜିକ ଗଣମାଧ୍ୟମରେ ଆପତ୍ତିଜନକ ମନ୍ତବ୍ୟ ଦେଇ ବିଜେପି ନେତ୍ରୀ ଶକୁନ୍ତଳା ଗିରଫ ହୋଇଛନ୍ତି। ମହାବିଦ୍ୟାଳୟର ତିନି ଛାତ୍ରୀଙ୍କ ନାମରେ ପରିସ୍ରାଗାର ଭିତର ଦୃଶ୍ୟ ଲୁଚିଲୁଚି ମୋବାଇଲ ଫୋନ୍ରେ ରେକର୍ଡ କରିବା ଅଭିଯୋଗ ହୋଇଥିଲା। ସେମାନଙ୍କୁ ମହାବିଦ୍ୟାଳୟରୁ ନିଲମ୍ବିତ କରାଯାଇଛି। ଏହି ମାମଲାରେ ସାମାଜିକ ଗଣମାଧ୍ୟମରେ ଶକୁନ୍ତଳା ମତ ରଖିଥିଲେ ଯେ ମୁଖ୍ୟମନ୍ତ୍ରୀ ସିଦ୍ଧରମୈୟାଙ୍କ ପତ୍ନୀ କିମ୍ବା ବୋହୂଙ୍କ କ୍ଷେତ୍ରରେ ଏଭଳି ହୋଇଥିଲେ କଂଗ୍ରେସ କର୍ମୀ କି ମନ୍ତବ୍ୟ ଦେଇଥାନ୍ତେ ? ଏ ନେଇ ତାଙ୍କ ନାମରେ ଏତଲା ଦାୟର ହୋଇଥିଲା। ଛୋଟ ମାମଲାକୁ ବିଜେପି ରାଜନୈତିକ ରୂପ ଦେଉଥିବା କଂଗ୍ରେସ ଅଭିଯୋଗ କରିଛି।
