ମୁମ୍ବାଇରୁ ଦିଲ୍ଲୀ ହଲଚଲ, କଂଗ୍ରେସର ନିଷ୍ପତିକୁ ଅପେକ୍ଷା
ମୁମ୍ବାଇରୁ ଦିଲ୍ଲୀ ହଲଚଲ, କଂଗ୍ରେସର ନିଷ୍ପତିକୁ ଅପେକ୍ଷା
admin
6636
ମୁମ୍ବାଇ: ମହାରାଷ୍ଟ୍ର ରାଜନୀତି ପାଇଁ ମାୟାନଗରୀ ମୁମ୍ବାଇ ଠୁ ଆରମ୍ଭ କରି ଦିଲ୍ଲୀ ପର୍ଯ୍ୟନ୍ତ ହଲଚଲ। ମହାରାଷ୍ଟ୍ରରେ କିଏ ଗଢ଼ିବ ସରକାର ସେ ନେଇ ଲାଗି ରହିଛି ଚର୍ଚ୍ଚା। ଏପରି ମହାରାଷ୍ଟ୍ର ରାଜନୀତିରେ ଘଡ଼ିକେ ଘୋଡ଼ା ଛୁଟୁଛି। ଅପରପକ୍ଷେ ସରକାର ଗଢ଼ିବାକୁ ଶିବସେନା ଚଲେଇଛି ଜୋରଦାର କସରତ। ଆଜି ଏନସିପି ମୁଖ୍ୟ ଶରଦ ପାୱାରଙ୍କୁ ଭେଟିଛନ୍ତି ଶିବସେନା ମୁଖ୍ୟ ଉଦ୍ଧବ ଠାକରେ। ଏକ ହୋଟେଲରେ ଉଭୟେ ସାକ୍ଷାତ କରି କଥାବାର୍ତ୍ତା କରିଛନ୍ତି। ଏହି ଆଲୋଚନା ସମୟରେ ଶରଦଙ୍କ ପୁତୁରା ତଥା ଏନସିପି ନେତା ଅଜିତ୍ ପାୱାର ମଧ୍ୟ ଉପସ୍ଥିତ ଥିଲେ। ତେବେ କଂଗ୍ରେସର ନିଷ୍ପତିକୁ ଶିବସେନା ଅପେକ୍ଷା କରିଛି।
ଅପରାହ୍ନ ୪ଟା ପରେ କଂଗ୍ରେସ ବୈଠକ ପରେ ଏନେଇ ଔପଚାରିକ ଘୋଷଣା ହୋଇପାରେ। ଏହାପରେ କଂଗ୍ରେସ ସଭାପତି ସୋନିଆ ଗାନ୍ଧିଙ୍କୁ ଭେଟିପାରନ୍ତି ଶିବସେନା ନେତା। ସରକାର ଗଢିବା ପାଇଁ ବିଜେପି ଅକ୍ଷମତା ପ୍ରକାଶ କରିବା ପରେ ୫୬ ଆସନ ପାଇଥିବା ଶିବସେନାକୁ ଦ୍ୱିତୀୟ ବଡ ଦଳ ଭାବେ ସରକାର ଗଠନ କରିବାକୁ ନିମନ୍ତ୍ରଣ କରିଛନ୍ତି ରାଜ୍ୟପାଳ ଏବଂ ସନ୍ଧ୍ୟା ସୁଦ୍ଧା ସ୍ପଷ୍ଟ କରିବାକୁ ରାଜ୍ୟପାଳ କହିଛନ୍ତି।
ଅନ୍ୟପଟେ, କଂଗ୍ରେସ ସହ ମିଶି ନିଷ୍ପତ୍ତି ନିଆଯିବ ବୋଲି କହିଛି ନ୍ୟାସନାଲିଷ୍ଟ କଂଗ୍ରେସ ପାର୍ଟି, ଏନସିପି। ମୁମ୍ବାଇରେ ଏନସିପି ବୈଠକ ପରେ ଏହା କହିଛନ୍ତି ଦଳର ନେତା ନୱାବ ମଲ୍ଲିକ। ଏନସିପି କହିଛି, ମହାରାଷ୍ଟ୍ରରେ ସରକାର ଗଠନ ଗଠନ କରିବା ଦଳର ଦାୟିତ୍ୱ। ତେବେ ଶିବସେନା, ଏନସିପି ଓ କଂଗ୍ରେସ ଏକଜୁଟ ନ ହେଲେ ସରକାର ଗଠନ ହୋଇପାରିବ ନାହିଁ। ତେବେ କଂଗ୍ରେସ ସହ ମିଶି ହିଁ ନିଷ୍ପତି ନିଆଯିବ। ତେବେ ଏନସିପିର ଅଧିକଂଶ ବିଧାୟକ ଶିବସେନାକୁ ସମର୍ଥନ ସପକ୍ଷରେ ଅଛନ୍ତି ବୋଲି କହିଛନ୍ତି ନୱାବ।
