ପୂର୍ବ ଭାରତ ତୈଳ ବିଶୋଧନାଗାର ଶ୍ରମିକ ସଂଘ ପକ୍ଷରୁ ବିଶ୍ୱ ଶ୍ରମିକ ଦିବସ ପାଳିତ
ପୂର୍ବ ଭାରତ ତୈଳ ବିଶୋଧନାଗାର ଶ୍ରମିକ ସଂଘ ପକ୍ଷରୁ ବିଶ୍ୱ ଶ୍ରମିକ ଦିବସ ପାଳିତ
admin
2741
ପାରାଦୀପ - (ତା ୧.୦୫.୨୦୧୯ )ଲକ୍ଷ୍ମୀନାରାୟଣ ସାହୁ: ପୂର୍ବ ଭାରତ ତୈଳ ବିଶୋଧନାଗାର ଶ୍ରମିକ ସଂଘ ଆନୁକୂଲ୍ୟରେ ବିଶ୍ୱ ଶ୍ରମିକ ଦିବସ ଜ଼ୀରୋ ପଏଣ୍ଟ ସ୍ଥିତ ସଂଘ କାର୍ଯ୍ୟାଳୟ ପରିସରରେ ପାଳିତ ହୋଇ ଯାଇଛି । ଏହି ଅବସରରେ ସଂଘ ସଭାପତି ଶ୍ରୀ ସନ୍ତୋଷ କୁମାର ପଟ୍ଟନାୟକ ଶ୍ରମ ପତାକା ଉତ୍ତୋଳନ କରିଥିଲେ ।
ସଂଘ ସଭାପତି ଶ୍ରୀ ସନ୍ତୋଷ କୁମାର ପଟ୍ଟନାୟକ ଙ୍କ ଅଧ୍ୟକ୍ଷତାରେ ଆୟୋଜିତ ସାଧାରଣ ସଭାରେ ବିଶ୍ୱ ଶ୍ରମିକ ଦିବସ ପାଳନ ର ଆବଶ୍ୟକତା ଓ ଶ୍ରମିକ ମାନଙ୍କ ଅଧିକାର ଓ କର୍ତ୍ତବ୍ୟ ଓ ଶ୍ରମିକ ମାନଙ୍କ ସ୍ଵାର୍ଥ ରକ୍ଷା ନିମନ୍ତେ ଶ୍ରମିକ ସଂଘ ର ଭୂମିକା ସମ୍ବନ୍ଧରେ ମୂଲ୍ୟବାନ ମନ୍ତବ୍ୟ ରଖିଥିଲେ ।
ଆଗାମୀ ଦିନରେ କିପରି ପାରାଦୀପ ଶିଳ୍ପାଞ୍ଚଳ ରେ ସ୍ଥାନୀୟ ବେକାର ଯୁବକ ଯୁବତୀ ମାନଙ୍କୁ ବ୍ୟାପକ ନିଯୁକ୍ତି ଦିଆ ଯାଇ ପାରିବ ,ସେ ସମ୍ପର୍କରେ ଅଭିମତ ରଖିବା ସହିତ ଶ୍ରମିକ ଏକତା ପ୍ରତି ଗୁରୁତ୍ୱ ଆରୋପ କରିଥିଲେ।
ଅନ୍ୟ ମାନଙ୍କ ମଧ୍ୟରେ ସଂଘ ର କାର୍ଯ୍ୟକାରୀ ସଭାପତି ଶ୍ରୀ ଦିଲୀପ କୁମାର ବେହେରା, ଉପ ସଭାପତି ଶ୍ରୀ ମନୀନ୍ଦ୍ର ଗୁରୁ, ପାରାଦୀପ ବନ୍ଦର କ୍ଷତିଗ୍ରସ୍ତ ଜମିହରା କୃଷକ ସଂଘ ର ସଭାପତି ଶ୍ରୀ ଚିନ୍ମୟ ଦାସ, ସହ ସମ୍ପାଦକ ନିରଞ୍ଜନ ନାୟକ , ଅଭିରାମ ସାମଲ, ଅରୁପ ପଟ୍ଟନାୟକ ,ମିହିର କାନ୍ତ ସାହୁ ଙ୍କ ସମେତ କର୍ମକର୍ତ୍ତା ଓ ସଭ୍ୟ ସଭ୍ୟା ଉପସ୍ଥିତ ଥିଲେ।
ସ୍ୱାଗତ ଭାଷଣ ଓ ବିବରଣୀ ପାଠ କରିଥିଲେ ସାଧାରଣ ସମ୍ପାଦକ ଶ୍ରୀ ପଦ୍ମ ଲୋଚନ ଦାଶ ଓ ଶ୍ରୀ ବିପିନ ବିହାରୀ ପ୍ରଧାନ, ଶ୍ରୀ ଅଶୋକ କୁମାର ନାଥ ,ଅମୁଲ୍ୟ ତରାଇ, ସିଦ୍ଧେଶ୍ୱର ସ୍ବାଇଁ ପ୍ରମୁଖ ସଭା ପରିଚାଳନା କରିଥିଲେ।।
