ଟିକା ନେଲେ ବି କରୋନା ହେବ
ଟିକା ନେଲେ ବି କରୋନା ହେବ
admin
6716
ଭୁବନେଶ୍ୱର: ରାଜ୍ୟରେ ଭୟଙ୍କର ହେଉଛି କରୋନା ସ୍ଥିତି । ବଢୁଛି କରୋନାର କାୟା । ସ୍ଥିତି ହେଉଛି ବେକାବୁ । ଓଡ଼ିଶାରେ କରୋନା ମହାମାରୀର ମହାସମର ଆରମ୍ଭ ହୋଇଯାଇଛି । କରୋନା ଏବେ ଲମ୍ବ ଡିଆଁ ମାରି ଗୋଟିକ ପରେ ଗୋଟିଏ ଜିଲ୍ଲାରେ ତାର କାୟା ବିସ୍ତାର କରିଚାଲିଛି । ଦିନକୁ ଦିନ ଆକ୍ରାନ୍ତଙ୍କ ସଂଖ୍ୟା ବଢି ଚାଲିଛି । ଏହାରି ଭିତରେ ଏକ ବଡ଼ଖବର ସାମନାକୁ ଆସିଛି । ତାହା ହେଲା ଟିକା ନେଲେ ବି କରୋନା ହେବ । କରୋନା ସଂକ୍ରମଣ ନେଇ ନିଜ ପ୍ରତିକ୍ରିୟା ଦେବା ଅବସରରେ ଏହି ସୂଚନା ଦେଇଛନ୍ତି ଜନସ୍ୱାସ୍ଥ୍ୟ ନିଦେ୍ର୍ଧଶକ ଡା. ନିରଞ୍ଜନ ମିଶ୍ର ।
ସେ କହିଛନ୍ତି ଯେ, ଟିକା ନେଲେ ବି କରୋନା ହେବ । କିନ୍ତୁ ମୃତୁ୍ୟହାର କମିବ । କରୋନାରୁ ମୁକ୍ତି ପାଇବାକୁ ହେଲେ କୋଭିଡ ନିୟମ ମାନିବାକୁ ପଡ଼ିବ । କିଛି ଜିଲ୍ଲାରେ ଟିଏମସି ଖୋଲିଛି । ଛତିଶଗଡ଼ ସୀମାରେ ଖୋଲିବାକୁ ନିଦେ୍ର୍ଧଶ ଦିଆଯାଇଛି । ଆଗକୁ ଦୈନିକ ୫୦ ହଜାର ଟେଷ୍ଟ କରାଯିବ ବୋଲି ଜନସ୍ୱାସ୍ଥ୍ୟ ନିଦେ୍ର୍ଧଶକ ଡା. ନିରଞ୍ଜନ ମିଶ୍ର । ଏଥିସହ ଓଡ଼ିଶାରୁ ପାଖାପାଖି ୪୦୦ ଲୋକ ପଞ୍ଜିକରଣ କରି କୁମ୍ଭ ମେଳାଯାଇଥିବା ସେ କହିଛନ୍ତି ।
ଏହା ପୂର୍ବରୁ ଡିଏମଇଟି ସିବିକେ ମହାନ୍ତି କହିଥିଲେ ଯେ, ଅନ୍ୟ ରାଜ୍ୟ ତୁଳନାରେ ଓଡ଼ିଶା ସ୍ଥିତି ଭଲ ଅଛି । ସ୍ଥିତି ଭଲ ଅଛି । ଢିଲା ଛାଡ଼ିବା ଠିକ ନୁହେଁ । ଆଗକୁ ଆକ୍ରାନ୍ତଙ୍କ ସଂଖ୍ୟା ବଢିବ । ସମସ୍ତ ଜିଲ୍ଲାର ଟୋଲ ଫ୍ରି ନମ୍ବର ଆକ୍ଟିଭ କରିବାକୁ ଜିଲ୍ଲାପାଳଙ୍କୁ ନିଦେ୍ର୍ଧଶ ଦିଆଯାଇଛି । ରୋଗୀ ଖୋଜିବା ଖାଲି ସରକାରଙ୍କ ଦାୟିତ୍ୱ ନୁହେଁ । ଲୋକଙ୍କ ଦାୟିତ୍ୱ ବି ଅଛି । ଲୋକାଲସ୍ତରରେ ସଂକ୍ରମିତ ଥିଲେ ଆଶା ଦିଦିଙ୍କୁ ଯୋଗାଯୋଗ କରିବାକୁ ଡିଏମଇଟି ସିବିକେ ମହାନ୍ତି କହିଥିଲେ ।
