ଉଭୟ ବାପ ପୁଅ ମାତ୍ର କିଛି ଘଣ୍ଟା ବ୍ୟବଧାନରେ କରୋନାରେ ପ୍ରାଣ ହରାଇଥିଲେ
ଉଭୟ ବାପ ପୁଅ ମାତ୍ର କିଛି ଘଣ୍ଟା ବ୍ୟବଧାନରେ କରୋନାରେ ପ୍ରାଣ ହରାଇଥିଲେ
admin
5853
ମୁମ୍ବାଇ: କରୋନା ଦ୍ୱାରା ସଂକ୍ରମିତ ହୋଇ ମହାରାଷ୍ଟ୍ରରେ ଡାକ୍ତର ଭାବେ କାର୍ଯ୍ୟରତ ଜଣେ ବ୍ୟକ୍ତି ଡକ୍ଟର ନଗେନ୍ଦ୍ର ମିଶ୍ର (୫୮ ବର୍ଷ) ଏବଂ ତାଙ୍କ ପୁଅ ସୁରଜ (୨୮ ବର୍ଷ) ଙ୍କର ମୃତୁ୍ୟ ହୋଇଛି । ତାଙ୍କ ପୁଅ ମଧ୍ୟ ଜଣେ ଡାକ୍ତର ଥିଲେ । ଉଭୟ ବାପ ପୁଅ ମାତ୍ର କିଛି ଘଣ୍ଟା ବ୍ୟବଧାନରେ ପ୍ରାଣ ହରାଇଥିଲେ । ଏବେ ସୁରଜଙ୍କ ମାଆ ବି କରୋନା ଦ୍ୱାରା ସଂକ୍ରମିତ ହୋଇ ଚିକିତ୍ସିତ ହେଉଚନ୍ତି । ମହାରାଷ୍ଟ୍ରରେ କରୋନା ଯୋଗୁ କିପରି ଭୟଙ୍କର ପରିସ୍ଥିତି ସୃଷ୍ଟି ହୋଇଛି, ତାହା ଏହି ଡାକ୍ତର ପରିବାର ସହିତ ଘଟିଥିବା ଘଟଣାରୁ ସ୍ପଷ୍ଟ ହୋଇଛି । ଗୋଟିଏ ପରିବାରର ତିନି ଜଣ ସଦସ୍ୟ କରୋନା ଦ୍ୱାରା ସଂକ୍ରମିତ ହୋଇଥିଲେ ମଧ୍ୟ ସେମାନଙ୍କୁ ଗୋଟିଏ ହସ୍ପିଟାଲରେ ବେଡ ମିଳିନଥିଲା । ତିନି ଜଣ ତିନୋଟି ପୃଥକ ମହାନଗର ନିଗମ ଅଞ୍ଚଳରେ ଥିବା ହସ୍ପିଟାଲ ଚିକିତ୍ସିତ ହେଉଥିଲେ ।
