ଗୁଜରାଟରେ ଦୁଇ ଜଣ ଡାକ୍ତର ନିଜ ନିଜ ମାଆଙ୍କ ଅନ୍ତିମ ସଂସ୍କାର ସାରି ଡୁ୍ୟଟିକୁ ଫେରିଲେ
ଗୁଜରାଟରେ ଦୁଇ ଜଣ ଡାକ୍ତର ନିଜ ନିଜ ମାଆଙ୍କ ଅନ୍ତିମ ସଂସ୍କାର ସାରି ଡୁ୍ୟଟିକୁ ଫେରିଲେ
admin
4084
ଅହମ୍ମଦାବାଦ: ଗୁଜରାଟରେ ଦୁଇ ଜଣ ଡାକ୍ତର ନିଜ ନିଜ ମାଆଙ୍କ ଅନ୍ତିମ ସଂସ୍କାର ସାରି କିଛି ଘଣ୍ଟା ଭିତରେ ପୁଣି କରୋନା ପରିଚାଳନା ଡୁ୍ୟଟିରେ ଯୋଗ ଦେଇଛନ୍ତି । ଗତ ଗୁରୁବାର ରାତି ୩ ଟା୩୦ ରେ ବଡୋଦରାରେ ଥିବା ସରକାରୀ ଏସଏସଜି ହସ୍ପିଟାଲରେ କାର୍ଯ୍ୟରତ ଡକ୍ଟର ଶିଳ୍ପା ପଟେଲଙ୍କ ମାଆଙ୍କର ଦେହାନ୍ତ ହୋଇଥିଲା । ତାଙ୍କ ମାଆ କରୋନା ଦ୍ୱାରା ସଂକ୍ରମିତ ହୋଇଥିଲେ ଏବଂ ସେଇ ହସ୍ପିଟାଲରେ ଚିକିତ୍ସିତ ହେଉଥିଲେ । ହେଲେ ଡକ୍ଟର ଶିଳ୍ପା ନିଜ ମାଆଙ୍କ ଅନ୍ତିମ ସଂସ୍କାର ସରିବାର ୬ ଘଣ୍ଟା ପରେ ପୁଣି ପିପିଇ ପିନ୍ଧି ନିଜ କାର୍ଯ୍ୟରେ ଯୋଗ ଦେଇଥିଲେ । ସେହିପରି ଗାନ୍ଧିନଗର ସ୍ଥିତ ଅନ୍ୟ ଏକ ହସ୍ପିଟାଲରେ ନିୟୋଜିତ ଜଣେ ଡାକ୍ତରଙ୍କ ମାଆଙ୍କର ବି ଗୁରୁବାର ଦେହାନ୍ତ ହୋଇଥିଲା । ଅବଶ୍ୟ ତାଙ୍କ ମାଆ ବୟସାଧିକ୍ୟ ଜନିତ ରୋଗରେ ପୀଡ଼ିତ ହୋଇ ପ୍ରାଣ ହରାଇଥିଲେ । ସେ ନିଜ ମାଆଙ୍କ ଅନ୍ତିମ ସଂସ୍କାରର ଶେଷ କରି ଦିନକ ପରେ ପୁଣି ନିଜ ଡୁ୍ୟଟିରେ ଯୋଗ ଦେଇଥିଲେ ।
