ଅନୁଭବ ମହାନ୍ତି ଓ ବର୍ଷା ପ୍ରିୟଦର୍ଶିନୀ ମାମଲା : ଦିଲ୍ଲୀରେ ନୁହେଁ କଟକରେ ହେବ ଶୁଣାଣି
ଅନୁଭବ ମହାନ୍ତି ଓ ବର୍ଷା ପ୍ରିୟଦର୍ଶିନୀ ମାମଲା : ଦିଲ୍ଲୀରେ ନୁହେଁ କଟକରେ ହେବ ଶୁଣାଣି
admin
5502
ଭୁବନେଶ୍ୱର : ଅନୁଭବ ମହାନ୍ତି ଓ ବର୍ଷା ପ୍ରିୟଦର୍ଶିନୀ ବିବାଦ ଏବେ ଦାଣ୍ଡରେ ପଡ଼ି ହାଟରେ ଗଡ଼ୁଛି । ଉଭୟଙ୍କର ପାରିବାରିକ ବିବାଦ ଓଲିଉଡ଼ ଠାରୁ ନେଇ ରାଜନୈତିକ ମହଲରେ ବି ବେଶ ଚର୍ଚ୍ଚାର ଖୋରାକ ଯୋଗାଇଛି । ଗୋଟିଏ ପଟେ ପାରିବାରିକ ବିବାଦକୁ ନେଇ ବର୍ଷା କଟକ କୋର୍ଟରେ ଅଦାଲତଙ୍କ ଦ୍ୱାରସ୍ଥ ହୋଇଥିବାବେଳେ ଅପରପକ୍ଷରେ ବର୍ଷାଙ୍କୁ ଛାଡ଼ପତ୍ର ଦେବା ପାଇଁ ଦିଲ୍ଲୀ ପଟିଆଲା କୋର୍ଟରେ ଅନୁଭବ ବି ମାମଲା କରିଥିଲେ । ତେବେ ଦିଲ୍ଲୀ କୋର୍ଟରେ ଶୁଣାଣୀ ନକରି କଟକ କୋର୍ଟରେ ମାମଲାର ଶୁଣାଣୀ କରିବାକୁ ବର୍ଷା କୋର୍ଟଙ୍କ ନିକଟରେ ଦାବି କରିଥିଲେ ।
ଉଭୟଙ୍କର ଏହି ଆଇନଗତ ବିବାଦରେ ବର୍ଷାଙ୍କର ପ୍ରଥମ ଜିତ ହୋଇଛି କହିଲେ ଭୁଲ ହେବନାହିଁ । କାହିଁକିନା କଟକ ଫ୍ୟାମିଲି କୋର୍ଟକୁ ଅନୁଭବ-ବର୍ଷା ପାରିବାରିକ ବିବାଦ ମାମଲା ସ୍ଥାନାନ୍ତରିତ ହୋଇଛି । ପଟିଆଲା ହାଉସ କୋର୍ଟ ନୁହେଁ ବରଂ କଟକରେ ଏହି ମାମଲା ଚାଲିବ ବୋଲି ଜଣାଯାଇଛି ।
ଅପର ପକ୍ଷରେ ଅନୁଭବଙ୍କ ଓକିଲ ‘ମାମଲା ସ୍ଥାନାନ୍ତର ପାଇଁ ପିଟିସନକୁ ଆମେ ବିରୋଧ କରିନଥିଲୁ । ଯଥାଶୀଘ୍ର ମାମଲାର ଶୁଣାଣି ପାଇଁ କୋର୍ଟଙ୍କୁ ଅନୁରୋଧ କରାଯାଇଥିଲା । ପରବର୍ତୀ ତାରିଖରେ କଟକ ଫ୍ୟାମିଲି କୋର୍ଟରେ ମାମଲାର ଶୁଣାଣି ହେବ ବୋଲି ପ୍ରତିକ୍ରିୟା ରଖିଛନ୍ତି । ମାମଲାର ତ୍ୱରିତ ବିଚାର ପାଇଁ କୋର୍ଟ ନିଦେ୍ର୍ଧଶ ଦେଇଥିବା ସୂଚନା ମିଳିଛି ।
ସୂଚନାଯୋଗ୍ୟଯେ, ପାରିବାରିକ ବିବାଦ କାରଣରୁ ଅନୁଭବ ମହାନ୍ତିଙ୍କର ରାଜନୈତିକ କ୍ୟାରିୟର ବି ପ୍ରଭାବିତ ହୋଇଛି । ସମ୍ପ୍ରତି ସେ ଦଳରୁ କୋଣଠେସା ହୋଇପଡ଼ିଛନ୍ତି । ଦଳର ଗୁରୁତ୍ୱପୂର୍ଣ୍ଣ କାର୍ଯ୍ୟକ୍ରମକୁ ଆଗଭଳି ତାଙ୍କୁ ଆଉ ଡକା ଯାଉନାହିଁ ।
