୫୦ ଶିଶୁଙ୍କୁ ଯୌନ ନିର୍ଯାତନା: ୟୁପି ଇଞ୍ଜିନିୟର ଗିରଫ
୫୦ ଶିଶୁଙ୍କୁ ଯୌନ ନିର୍ଯାତନା: ୟୁପି ଇଞ୍ଜିନିୟର ଗିରଫ
admin
2910
ଲକ୍ଷ୍ନୌ: ଉତ୍ତରପ୍ରଦେଶ ଜଳସେଚନ ବିଭାଗର ଜଣେ କନିଷ୍ଠ ଯନ୍ତ୍ରୀ ଦୀର୍ଘ ୧୦ ବର୍ଷ ଧରି ୫୦ ଜଣ ଶିଶୁଙ୍କୁ ଯୌନ ନିର୍ଯାତନା ଦେଇଥିବା ଅଭିଯୋଗରେ ଗିରଫ ହୋଇଛନ୍ତି । ଗତ ୧୦ ବର୍ଷ ଧରି ଉକ୍ତ ଯନ୍ତ୍ରୀ ଜଣଙ୍କ ପ୍ରାୟ ୫୦ ଜଣ ଶିଶୁଙ୍କୁ ଯୌନ ନିର୍ଯାତନା ଦେଇଥିଲେ ଏବଂ ଏହାର ଭିଡିଓ ପ୍ରସ୍ତୁତ କରି ଏଗୁଡ଼ିକୁ ବିଶ୍ୱବ୍ୟାପୀ ଯୌନ କାରବାରରେ ସମ୍ପୃକ୍ତ ବିଭିନ୍ନ ଅଭିଯୁକ୍ତଙ୍କୁ ଡାର୍କ ନେଟରେ ବିକି୍ର କରୁଥିଲେ । ଅଭିଯୁକ୍ତ ମନ୍ତ୍ରୀ ରାମ ଭୱନ ୫ ରୁ ୧୬ ବର୍ଷର ପିଲାମାନଙ୍କୁ ଟ୍ରାପ କରିଥିଲେ । ଚିତ୍ରକୁଟ, ବାନ୍ଦା ଏବଂ ହମିରପୁରର ନାବାଳିକା ଶିଶୁମାନଙ୍କୁ ସେ ଟ୍ରାପ କରି ଦୀର୍ଘ ଦିନ ଧରି ଯୌନ ନିର୍ଯାତନା ଦେଉଥିଲେ । ଚିତ୍ରକୁଟ ଜିଲ୍ଲାର ଏହି ଅଭିଯୁକ୍ତ ଯନ୍ତ୍ରୀଙ୍କୁ ବାନ୍ଦ୍ରାରୁ ସିବିଆଇ ଗିରଫ କରିଛି । ତାଙ୍କୁ ଖୁବ ଶୀଘ୍ର କୋର୍ଟରେ ହାଜର କରାଯିବ । ଅଭିଯୁକ୍ତ ନିକଟକୁ ସିବିଆଇ ଟିମ ୮ ଟି ମୋବାଇଲ ଫୋନ, ପ୍ରାୟ ୮ ଲକ୍ଷ ନଗଦ ଟଙ୍କା, ଲ୍ୟାପଟପ ଆଦି ଜବତ କରିଛି । ରାମ ଭୱନ ସମେତ ଅନ୍ୟ କିଛି ବ୍ୟକ୍ତିଙ୍କର ମଧ୍ୟ ଏହି ର୍ୟାକେଟରେ ସମ୍ପୃକ୍ତି ଥିବା ଜଣାପଡ଼ିଛି । ପୁଲିସ ଏହି ଘଟଣାରେ ଅଧିକ ତଦନ୍ତ ଜାରି ରଖିଛି ।
