୪୭ ହଜାର ଟପିଲା ସୁନା ଦର ।
୪୭ ହଜାର ଟପିଲା ସୁନା ଦର ।
admin
2834
ମୁମ୍ବାଇ: ମଲଟି କମୋଡିଟି ଏକ୍ସଚେଞ୍ଜରେ ଜୁନ ମାସ ପାଇଁ ସୁନା ଦାମରେ ୧୩୨ ଟଙ୍କା ବୃଦ୍ଧି ହୋଇଛି । ଫଳରେ ୧୦ ଗ୍ରାମ ସୁନାର ମୂଲ୍ୟ ୪୭,୧୦୫ ଟଙ୍କା ହୋଇଯାଇଛି । ସେହିପରି ରୂପାର କେଜି ପ୍ରତି ଦର ୬୭୦ ଟଙ୍କା ବୃଦ୍ଧି ପାଇ ୪୮,୯୨୭ ଟଙ୍କା ହୋଇଛି । ହଂକଂକୁ ନେଇ ଆମେରିକା ଓ ଚୀନ ଭିତରେ ଉତ୍ତେଜନା ବୃଦ୍ଧି ପାଉଥିବାରୁ ନିବେଶକମାନେ ସୁନାରେ ଅଧିକ ମାତ୍ରାରେ ନିବେଶ କରୁଛନ୍ତି । ସେଥିପାଇଁ ଏହି ମୂଲ୍ୟବାନ ଧାତୁର ଚାହିଦା ବଢ଼ାଇବା ସହ ଦାମ ମଧ୍ୟ ବଢ଼ୁଛି । କରୋନା ସଂକଟ ପ୍ରଭାବରେ ସାରା ବିଶ୍ୱର ଇକ୍ୱିଟି ବଜାର ମାନ୍ଦା ରହିଛି, ତେଣୁ ସେଠାରୁ ଭଲ ରିଟର୍ଣ୍ଣି ମିଳିବାର ବହୁତ କମ ସମ୍ଭାବନା ରହିଛି । ତେଣୁ ନିବେଶକମାନେ ଅନ୍ୟ କୌଣସି ଉପାୟ ନ ପାଇ ସୁନା ନିବେଶ କରିବାକୁ ଚାହୁଁଛନ୍ତି । ଆନ୍ତର୍ଜାତିକ ବଜାରରେ ସୁନାର ଆଉନ୍ସ ପିଛା ଦର ୧୭୩୨.୩୮ ଡଲାରରେ ପହଞ୍ଚିଛି । ସୁନା ବଜାର ଉପରେ ନଜର ରଖିଥିବା ବିଶେଷଜ୍ଞଙ୍କ ମତରେ ଆମେରିକା ଓ ଚୀନ ଭିତରେ ଲାଗିରହିଥିବା ଉତ୍ତେଜନାକୁ ଆଗାମୀ ଦିନରେ ସୁନା ଦରରେ ଆହୁରି ବୃଦ୍ଧିର କାରଣ ହେବ ।
