୨୬ ବର୍ଷରେ ଦିଲ୍ଲୀରେ ସର୍ବନିମ୍ନ ତାପମାତ୍ରା

Oct 29, 2020 - 11:32 Updated: Oct 29, 2020 - 11:32

2327

ନୂଆଦିଲ୍ଲୀ : ଚଳିତ ବର୍ଷ ହାଡଭଙ୍ଗା ଶୀତ ନେଇ ଆଇଏମଡି ପକ୍ଷରୁ ପୂର୍ବାନୂମାନ ଲଗାଯାଇଥିଲା । ଏହା ମଧ୍ୟରେ ଦେଶର ରାଜଧାନୀ ନୂଆଦିଲ୍ଲୀ ତାପମାତ୍ରାରେ ଆଉ ଏକ ରେକର୍ଡ ଭାଙ୍ଗିଛି । ଅକ୍ଟୋବର ମାସର ତାପମାତ୍ରାରେ ଦିଲ୍ଲୀ ୨୬ ବର୍ଷର ରେକର୍ଡ ଭାଙ୍ଗିଛି । ଗୁରୁବାର ଦିଲ୍ଲୀରେ ୧୨.୫ ଡିଗ୍ରୀର ତାପମାତ୍ରା ରେକର୍ଡ କରାଯାଇଛି । ଏହି ସମୟରେ ତାପମାତ୍ରା ସାଧାରଣତଃ ୧୫ରୁ ୧୬ ଡିଗ୍ରୀ ରହୁଥିବା ବେଳେ ଚଳିତ ବର୍ଷ ତାପମାତ୍ରା ସର୍ବନିମ୍ନ ସ୍ତରକୁ ଛୁଇର୍ଛି । ଶେଷ ଥରପାଇଁ ୩୧ ଅକ୍ଟୋବର ୧୯୯୪ ମସିହାରେ ଦିଲ୍ଲୀର ତାପମାତ୍ରା ୧୨.୩ ଡିଗ୍ରୀ ରହିଥିଲା । ସେହିପରି ୧୯୩୭ ମସିହାରେ ସବୁଠାରୁ କମ ୯.୩ ଡିଗ୍ରୀର ତାପାମାତ୍ରା ରେକର୍ଡ କରାଯାଇଥିବା ନେଇ ଦିଲ୍ଲୀ ପାଣିପାଗ ବିଭାଗ ମୁଖ୍ୟ କୁଲଦୀପ ଶ୍ରୀବାସ୍ତବ କହିଛନ୍ତି ।