ହୋଲ୍ଟିଂ ଟାକ୍ସ ବୃଦ୍ଧି ପ୍ରତିବାଦରେ କଂଗ୍ରେସର ବିଏମସି ଅଫିସ ଘେରାଉ
ହୋଲ୍ଟିଂ ଟାକ୍ସ ବୃଦ୍ଧି ପ୍ରତିବାଦରେ କଂଗ୍ରେସର ବିଏମସି ଅଫିସ ଘେରାଉ
admin
2091
ଭୁବନେଶ୍ୱର:ଭୁବନେଶ୍ୱର ମହାନଗର ନିଗମର ହୋଲ୍ଡିଂ ଟିକସ ବୃଦ୍ଧିକୁ ବିରୋଧ କରି ଭୁବନେଶ୍ୱର ଜିଲ୍ଲା କଂଗ୍ରେସ ପକ୍ଷରୁ ବିଏମସି ଅଫିସ ଘେରାଉ କରାଯାଇଛି । ବିଏମସି ଅଫିସ ସାମ୍ନାରେ ବିଶାଳ ଗଣ ବିକ୍ଷୋଭ ଆୟୋଜନ କରାଯାଇଛି । ଭୁବନେଶ୍ୱର ମହାନଗର ନିଗମ ଦ୍ୱାରା ଭୁବନେଶ୍ୱରରେ ବେଆଇନ ଭାବେ ହୋଲ୍ଡିଂ ଟ୍ୟାକ୍ସ ଓ ପ୍ରପର୍ଟି ଟ୍ୟାକ୍ସ ବୃଦ୍ଧି ପ୍ରତିବାଦରେ ବିଏମସି ଅଫିସ ଆଗରେ କଂଗ୍ରେସ ନେତା ଓ କର୍ମୀ ଧାରଣା କରିଛନ୍ତି । ଏହି ଅବସରରେ ପିପିସି ସଭାପତି ନିରଞ୍ଜନ ପଟ୍ଟନାୟକ କହିଥିଲେ ଯେ, ବିଏମସି ଏବଂ ରାଜ୍ୟ ସରକାରଙ୍କର ଭୁବନେଶ୍ୱର ବାସିନ୍ଦାଙ୍କ ପ୍ରତିହୋଇଥିବା ଅନ୍ୟାୟକୁ କଂଗ୍ରେସ ଦଳ ବରଦାସ୍ତ କରିବ ନାହିଁ । ବୃଦ୍ଧି ଟିକସ ପ୍ରତ୍ୟାହାର ନହେବା ଯାଏ ଆନେ୍ଦାଳନ ଜାରି ରହିବ ବୋଲି ଶ୍ରୀ ପଟ୍ଟନାୟକ ଚେତାବନୀ ଦେଇଛନ୍ତି । ଜଟଣୀ ବିଧାୟକ ସୁରେଶ ଚନ୍ଦ୍ର ରାଉତରାୟ ଧାରଣାରେ ଯୋଗ ଦେଇ ରାଜ୍ୟ ସରକାରଙ୍କ ଉପରେ ବର୍ଷିଛନ୍ତି । ରାଜ୍ୟ ସରକାର ତୁରନ୍ତ ଟିକସ କମାଇବାକୁ ସୁର ରାଉତ କହିଛନ୍ତି । ଆଜରି ଏହି କାର୍ଯ୍ୟକ୍ରମରେ କଟକ ଜିଲ୍ଲା ସଭାପତି ମାନସ ଚୌଧୁରୀ କହିଛନ୍ତି ଯେ, ରାଜ୍ୟ ସରକାର ଭୁବନେଶ୍ୱର ବାସୀଙ୍କ ପ୍ରତି ଅନ୍ୟାୟ କରିଛନ୍ତି । ଦଶ ଗୁଣ ହୋଲ୍ଡି ଟ୍ୟାକ୍ସ ବଢାଇବା ଦ୍ୱାରା ଛୋଟ ଛୋଟ ବେପାରୀଙ୍କ ଅବସ୍ଥା କଣ ହେବ ବୋଲି ଶ୍ରୀ ଚୋଧୁରୀ ପ୍ରଶ୍ନ କରିଛନ୍ତି । ହୋଲ୍ଡି ଟ୍ୟାକ୍ସ ଯଦି ନ କମା ଯାଏ ତେବେ ଏହି ଆନେ୍ଦାଳନ ରାଜ ରାସ୍ତାକୁ ଯିବ ବୋଲି ଶ୍ରୀ ଚୌଧୁରୀ କହିଛନ୍ତି ।
