ହାତୀ ଲୋଡ଼ିବନି ସାଥି, ଲଢ଼ିବ ଏକା

Nov 11, 2021 - 04:27 Updated: Nov 11, 2021 - 04:27

4012

ଲକ୍ଷ୍ନୌ: ଉତ୍ତରପ୍ରଦେଶ ବିଧାନସଭା ନିର୍ବାଚନରେ ହାତୀ ଖୋଜିବନି ସାଥି। ବିନା କୌଣସି ସାଥିରେ ହାତୀ ଲଢ଼ିବ ହାତୀ। ଅର୍ଥାତ ଆଗାମୀ ନିର୍ବାଚନରେ ବିନା କାହା ସହ ମେଣ୍ଟ କରି ବିଏସପି (ବହୁଜନ ସମାଜ ପାର୍ଟି) ରାଜ୍ୟର ସମସ୍ତ ବିଧାନସଭା ଆସନରେ ପ୍ରାର୍ଥୀ ଦେବ। ଦଳର ସୁପ୍ରିମୋ ମାୟାବତୀ ଏହି ବଡ଼ ଘୋଷଣା କରିଛନ୍ତି । ଆଗାମୀ ନିର୍ବାଚନ ପାଇଁ ବିଏସପି ଅନ୍ୟ କୌଣସି ଦଳ ସହ ମେଣ୍ଟ କରିବନି । ଏହା ଏକାକି ନିର୍ବାଚନ ଲଢ଼ିବ ବୋଲି ମାୟାବତୀ କହିଛନ୍ତି । ବିଏସପି ମୁଖ୍ୟ କହିଛନ୍ତି, ସମାଜବାଦୀ ପାର୍ଟି ଏବଂ ବିଜେପି ଗୋଟିଏ ମୁଦ୍ରାର ଦୁଇଟି ପାର୍ଶ୍ୱ ପରି । ସେମାନେ କେବଳ ନିର୍ବାଚନକୁ ହିନ୍ଦୁ-ମୁସଲମି ପ୍ରସଙ୍ଗ କରିବାକୁ ଚାହିଛନ୍ତି । ୨୦୦୭ ପରି ୨୦୨୨ ବିଧାନସଭା ନିର୍ବାଚନରେ ମଧ୍ୟ ବିଏସପି ସଂଖ୍ୟା ଗରିଷ୍ଠତା ହାସଲ କରିବ ବୋଲି ସେ କହିଛନ୍ତି । ମାୟାବତୀ ମଧ୍ୟ କଂଗ୍ରେସକୁ କଡ଼ା ସମାଲୋଚନା କରିଛନ୍ତି । କଂଗ୍ରେସ ଦ୍ୱାରା ଦିଆଯାଇଥିବା ନିର୍ବାଚନ ପ୍ରତିଶ୍ରୁତିକୁ ଲୋକ ବିଶ୍ୱାସ କରିବେନି ବୋଲି ସେ କହିଛନ୍ତି । ୨୦୧୭ ବିଧାନସଭା ନିର୍ବାଚନରେ ବିଜେପି ୩୧୨ ଆସନରେ ଜିତିଥିଲା । ସପା ୪୭, ବସପା ୧୯ ଆସନରେ ଜିତିଥିବା ବେଳେ କଂଗ୍ରେସ ମାତ୍ର ୭ଟି ଆସନ ଜିତିଥିଲା।