ହାତୀର ଗଳିତ ମୃତଦେହ ଉଦ୍ଧାର

Oct 12, 2019 - 07:48 Updated: Oct 12, 2019 - 07:48

1742

ଢେଙ୍କାନାଳ: ଢେଙ୍କାନାଳ ଜିଲ୍ଲା କଙ୍କଡାହାଡ ବ୍ଲକ ଅନ୍ତର୍ଗତ କୁଟୁରିଆ ଗ୍ରାମ ନିକଟରେ ଥିବା ଜଙ୍ଗଲରୁ ଏକ ହାତୀର ଗଳିତ ମୃତଦେହ ଉଦ୍ଧାର ହୋଇଛି । ପ୍ରାୟ ଏକ ମାସ ହେଲା ହାତୀଟି ମୃତ୍ୟୁବରଣ କରିଥିବା ଜଣାପଡିଛି । ଆଜି ସକାଳେ କୁଟୁରିଆ ଗ୍ରାମ ନିକଟରେ ଥିବା ଜଙ୍ଗଲରୁ ଏକ ହାତୀର ମୃତଦେହ ଉଦ୍ଧାର କରାଯାଇଥିଲା । ପ୍ରାୟ ୩୦ ଦିନ ଧରି ହାତୀଟି ପ୍ରାଣ ହରାଇଥିବା ବନ ବିଭାଗ ତରଫରୁ କୁହାଯାଇଛି । ତେବେ ହାତୀଟି କିପରି ମରିଛି ସେନେଇ କିଛି ସ୍ପଷ୍ଟ ହୋଇପାରି ନାହିଁ । ଗତ କିଛିମାସ ହେଲା ରାଜ୍ୟରେ ହରପିସ ଭାଇରସ ହେତୁ ୫ରୁ ଅଧିକ ହାତୀ ପ୍ରାଣ ହରାଇ ସାରିଛନ୍ତି । ଏହି ହାତୀଟି ମଧ୍ୟ ହରପିସ୍ ସଂକ୍ରମଣ ହେତୁ ମୃତ୍ୟୁବରଣ କରିଥିବା ସନ୍ଦେହ କରାଯାଉଛି । ବ୍ୟବଚ୍ଛେଦ ପରେ ଏହାର ପ୍ରକୃତ କାରଣ ଜଣାପଡିବ ବୋଲି ବନବିଭାଗର ଅଧିକାରୀ କହିଛନ୍ତି ।