ସୁରକ୍ଷାକର୍ମୀଙ୍କ ବେକ କାଟିଦେଲେ ଲୁଟେରା
ସୁରକ୍ଷାକର୍ମୀଙ୍କ ବେକ କାଟିଦେଲେ ଲୁଟେରା
admin
2439
କଟକ: କଟକରେ ଦୁଇ ଲୁଟେରା ଧରାପଡ଼ିଯିବାରୁ ସୁରକ୍ଷାକର୍ମୀଙ୍କ ବେକ କାଟି ଦେଇଛନ୍ତି । ଖୁରରେ ସୁରକ୍ଷାକର୍ମୀଙ୍କ ବେକ କାଟିଦେବା ଘଟଣା ସିଡିଏରେ ସନ୍ଧ୍ୟାରେ ଚାଞ୍ଚଲ୍ୟ ସୃଷ୍ଟି କରିଛି । ବେଲଭୁ୍ୟ ଛକ ନିକଟରେ ଥିବା ଏସଜିବିଏଲ (ଶଙ୍କର ଗୁପ୍ତା ବ୍ରଦର୍ସ ଲିମିଟେଡ) ଷ୍ଟିଲ ରେଲିଂ ଚୋରି କଲା ବେଳେ ଦୁର୍ବୃତ୍ତମାନେ ଏଭଳି କାଣ୍ଡ ଘଟାଇ୍ଥିବା ଜଣାପଡ଼ିଛି । ସୂଚନା ଅନୁସାରେ ଏସଜିବିଏଲର ଷ୍ଟିଲ ରେଲିଂ, ଲୁହା ସ୍କ୍ରାପ ଓ ଲୁହା ଯନ୍ତ୍ରାଂଶ ବିକି୍ର କରୁଥିବା ବେଳେ ସନ୍ଧ୍ୟା ପ୍ରାୟ ୬ଟା ବେଳେ ଦୁଇ ଦୃର୍ବୃତ୍ତ ଷ୍ଟିଲ ରେଲିଂ ଚୋରି କରିବାକୁ ଆସିଥିଲେ । ଏଜଜିବିଏଲ ପକ୍ଷରୁ ନିୟୋଜିତ ସୁରକ୍ଷାକର୍ମୀଙ୍କ ପ୍ରଭାକର ବେହେରା (୫୦) ଦୁର୍ବୃତ୍ତ ଦ୍ୱୟଙ୍କୁ ଅଟକାଇବାରୁ ତାଙ୍କୁ ଆକ୍ରମଣ କରିଥିଲେ । ଦୁର୍ବୃତ୍ତଙ୍କ ଆକ୍ରମଣରେ ପ୍ରଭାକରଙ୍କ ଡାହାଣ ପଟ ବେକ ଓ ଗାଲ କଟିଯାଇଛି । ତାଙ୍କୁ ଗୁରୁତର ଅବସ୍ଥାରେ ସିଡିଏରେ ଥିବା ଏକ ଘରୋଇ ହସ୍ପିଟାଲରେ ଭର୍ତ୍ତି କରାଯାଇଥିଲା । ତାଙ୍କ ସ୍ୱାସ୍ଥ୍ୟ ଅବସ୍ଥା ଗୁରୁତର ହେବାରୁ ପୁଲିସ ଏହି ମାମଲାରେ ଦୁଇ ଦୁର୍ବୃତ୍ତଙ୍କୁ କାବୁ କରିଛି । ବିଡାନାସୀ କୁମ୍ଭାର ସାହିର ସିଲୁ ଦାସ ଏବଂ ଲାଲବାଗ ଅଲିଶା ବଜାର ହାଡ଼ି ସାହିର ଧନଞ୍ଜୟ ବେହେରା ପୁଲିସ ହାତରେ ଧରାପଡ଼ିଛନ୍ତି ।
