ସାଇ ଭଜନରେ ଦୁଲୁକିଲା ବରମୁଣ୍ଡା ପଡିଆ
ସାଇ ଭଜନରେ ଦୁଲୁକିଲା ବରମୁଣ୍ଡା ପଡିଆ
admin
3773
ତୁମଠୁ ଆରମ୍ଭ ପ୍ରଭୁ ତୁମଠାରେ ଶେଷ, ବ୍ରହ୍ମରୁ ଶୁଭୁଛି ଶୁଣ ଓମ୍ ସାଇନାଥ, ଶିରୀଡିବାଲେ ତେରା ହୋ ଯାଉ ଏମିତି ବହୁ ସାଇ ଭଜନର ଭକ୍ତିରସରେ ଭିଜି ଯାଇଥିଲା ବରମୁଣ୍ଡା ଦୂର୍ଗାପୂଜା ପଡିଆ । ହଜାର ହଜାର ସାଇ ଶ୍ରଦ୍ଧାଳୁଙ୍କ ମୁହଁରୁ ହରିବୋଲ, ହୁଳହୁଳି ସାଙ୍ଗକୁ ସାଇନାଥ ମହାରାଜ କି ଜୟ ଧ୍ୱନିରେ କମ୍ପି ଉଠୁଥିଲା ପରିବେଶ । ଗୁରୁବାର ସନ୍ଧ୍ୟାରେ ବରମୁଣ୍ଡା ପଡିଆରେ କେ-୧ ଲାଇଫ୍ ତରଫରୁ ଏହି ଭଜନ ସନ୍ଧ୍ୟା ଆୟୋଜିତ କରାଯାଇଥିଲା ।
ଏହି ସନ୍ଧ୍ୟାରେ ପଂଚାୟତିରାଜ ମନ୍ଦ୍ରୀ ପ୍ରତାପ ଜେନା ଓ ପୂର୍ବତନ ସାଂସଦ ଅମର ପ୍ରଧାନ ଅତିଥିଭାବେ ଉପସ୍ଥିତ ରହି ସାଇ ଶ୍ରଦ୍ଧାଳୁମାନଙ୍କୁ ଉତ୍ସାହିତ କରିଥିଲେ । ପୂର୍ବରୁ ଅନୁଷ୍ଠିତ ହୋଇଥିବା ସାଇ ଭଜନ ପ୍ରତିଯୋଗୀତାର କୃତୀ ଶିଶୁ କଳାକାରମାନଙ୍କୁ ଅତିଥିମାନେ ପୁରସ୍କୃତ କରିଥିଲେ । ମାନସ ଚୌଧୁରୀଙ୍କ ପରିଚାଳନାରେ କେ-୧ ଲାଇଫ୍ ପରିବାର ତତ୍ୱାବଧାନରେ ଅନୁଷ୍ଠିତ ଏହି ସାଇ ଭଜନ ସନ୍ଧ୍ୟା ୫ଟାରୁ ଆରମ୍ଭ ହୋଇ ରାତି ୧୧ଟା ପର୍ଯ୍ୟନ୍ତ ଚାଲିଥିଲା । ଅନୁଷ୍ଠିତ ଏହି କାର୍ଯ୍ୟକ୍ରମରେ କଂଗ୍ରେସ ନେତା ନବଜ୍ୟୋତି ପଟ୍ଟନାୟକ, ଜନ୍ମେଜୟ ଲେଙ୍କା, ଅର୍ଚ୍ଚନା ସାମଲ ପ୍ରମୁଖ ଅତିଥିଭାବେ ଉପସ୍ଥିତ ଥିଲେ ।
