ସବୁ କିଛି ହରାଇପାରନ୍ତି ଅନୀଲ, ସାରା ବିଶ୍ୱରେ ଥିବା ସମ୍ପତ୍ତି ଉପରେ କୋର୍ଟଙ୍କ ନଜର
ସବୁ କିଛି ହରାଇପାରନ୍ତି ଅନୀଲ, ସାରା ବିଶ୍ୱରେ ଥିବା ସମ୍ପତ୍ତି ଉପରେ କୋର୍ଟଙ୍କ ନଜର
admin
6559
ଲଣ୍ଡନ: ଧୀରୁଭାଇ ଅମ୍ବାନିଙ୍କ ସାନ ପୁଅ ତଥା ଭାରତର ସବୁଠୁ ବଡ଼ ଧନୀ ମୁକେଶ ଅମ୍ବାନୀଙ୍କ ସାନ ଭାଇ ଅନୀଲ ଅମ୍ବାନୀଙ୍କ ହାତରୁ ସବୁ ସମ୍ପତ୍ତି ଚାଲିଯିବା ଭଳି ସ୍ଥିତି ସୃଷ୍ଟି ହୋଇଛି । ଚୀନର ତିନି ସରକାରୀ ବ୍ୟାଙ୍କକୁ ଅନଲି ୫୨୭୬ କୋଟି ଟଙ୍କା ଦେବା ବାକି ଅଛି । ନିଜର ବନ୍ଦ ହୋଇଯାଇଥିବା ଟେଲିକମ କମ୍ପାନୀ ରିଲାଏନ୍ସ କମୁ୍ୟନିକେସନ ପାଇଁ ସେ ସେହି ଋଣ ଆଣିଥିଲେ । ସେହି ଋଣ ପାଇଁ ସେ ବ୍ୟକ୍ତିଗତ ଗ୍ୟାରେଣ୍ଟି ଦେଇଥିଲେ । ତାହା ତାଙ୍କ ପାଇଁ ଏବେ କାଳ ହୋଇଛି । ଲଣ୍ଡନ ହାଇକୋର୍ଟରେ ତାଙ୍କ ବିରୋଧରେ ମାମଲା ଶୁଣାଣି ଚାଲିଛି । ସାରା ବିଶ୍ୱରେ ଥିବା ତାଙ୍କ ସମସ୍ତ ସମ୍ପତ୍ତି ଜବତ ହେବା ଭଳି ସ୍ଥିତି ସୃଷ୍ଟି ହୋଇଛି । ଅନିଲ ଋଣ ଆଣିଥିବା ଚୀନର ତିନି ସରକାରୀ ବ୍ୟାଙ୍କ ହେଉଛି କମର୍ସିଆଲ ବ୍ୟାଙ୍କ ଅଫ ଚୀନ, ଏକ୍ସପୋର୍ଟ ଆଣ୍ଡ ଇମ୍ପୋର୍ଟ ବ୍ୟାଙ୍କ ଅଫ ଚୀନ ଓ ଚୀନ ଡେଭଲପମେଣ୍ଟ ବ୍ୟାଙ୍କ ଏହି ବ୍ୟାଙ୍କ ଗୁଡ଼ିକୁ ୬୨୭୬ କୋଟି ଟଙ୍କା ଶୁଝିବା ଓ ୮ କୋଟି ଟଙ୍କାର ଆଇନଗତ ପାଣ୍ଠି ପ୍ରଦାନ କରିବା ଲାଗି ଅନିଲଙ୍କୁ ବି୍ରଟେନର ହାଇକୋର୍ଟ ନିଦେ୍ର୍ଧଶ ଦେଇଛନ୍ତି । ଏହି ମାମଲାରେ କୋର୍ଟ ଅନିଲଙ୍କୁ ଭିଡିଓ କନଫରେନ୍ସିଂ ଜରିଆରେ ଜେରା କରିଛନ୍ତି । ଯେହେତୁ ଭାରତରେ ଅନିଲଙ୍କ ବିରୋଧରେ ଭାରତୀୟ ଷ୍ଟେଟ ବ୍ୟାଙ୍କ ଇନସଲଭେନ୍ସିଂ ମାମଲା ଦାୟର କରିଛି । ତେଣୁ ଭାରତରେ ଥିବା ତାଙ୍କ ସମ୍ପତ୍ତି ଉପରେ ଚୀନର ତିନି ବ୍ୟାଙ୍କ ନଜର ପକାଉନାହାନ୍ତି । ସେମାନେ ବିଶ୍ୱର ଅନ୍ୟ ପ୍ରାନ୍ତରେ ଥିବା ଅନିଲଙ୍କ ସମ୍ପତ୍ତି ଜରିଆରେ ନିଜର ପ୍ରାପ୍ୟ ପାଇବାକୁ ଚାହୁଁଛନ୍ତି । ସାରା ବିଶ୍ୱରେ ୭୪ ଲକ୍ଷ ଟଙ୍କାରୁ ଅଧିକ ମୂଲ୍ୟର ଯେତେ ସମ୍ପତ୍ତି ରହିଛି ତାହାର ତାଲିକା ଦେବା ଲାଗି ଅନିଲଙ୍କୁ କୋର୍ଟ ନିଦେ୍ର୍ଧଶ ଦେଇଛନ୍ତି ।
