ଶିବରାତ୍ରି ଦିନ ଭୁଲରେ ପିନ୍ଧନ୍ତୁ ନାହିଁ ଏହି ରଙ୍ଗର ପୋଷାକ

ଭୁବନେଶ୍ୱର: ଚଳିତ ବର୍ଷ ମାର୍ଚ୍ଚ ୧୮ତାରିଖରେ ପଡ଼ୁଛି ପବିତ୍ର ଶିବରାତ୍ରୀ ବା ଜାଗରଯାତ୍ରା । ଏହିଦିନ ଭଗବାନ ଶିବଙ୍କୁ ପୂଜା କରିବା ପାଇଁ କେଉଁ ରଙ୍ଗର ପୋଷାକ ପିନ୍ଧିବେ ଆପଣ ଜାଣନ୍ତି କି ? ଏହି ଦିନ ଭକ୍ତମାନେ କେବଳ ଭୋଲେନାଥଙ୍କ ପାଇଁ ପୂରା ଦିନ ଉପବାସ କରନ୍ତି ନାହିଁ । ସକାଳୁ ଗାଧୋଇ ନୂଆ ପୋଷାକ ପିନ୍ଧି ମନ୍ଦିର ଦର୍ଶନ କରିବା ସହିତ ସାରା ଦିନ ଶିବବ୍ରତ ପାଳନ କରି ନିଷ୍ଠାରେ ଉପବାସ କରନ୍ତି ଓ ସନ୍ଧ୍ୟାରେ ଦୀପ ଜାଳି ମହାଦୀପ ଦର୍ଶନ କରି ବ୍ରତ ଭାଙ୍ଗନ୍ତି । ପିଲାଠାରୁ ବୟସ୍କ ସମସ୍ତଙ୍କ ଠାରେ ଏହି ବ୍ରତ କରିବାର ରୂଚି ଥାଏ । ତେବେ କେବଳ ବ୍ରତ ପାଇଁ ନୁହଁ ନୂତନ ପୋଷାକ ପିନ୍ଧିବାକୁ ମଧ୍ୟ ପସନ୍ଦ କରନ୍ତି ଯାହା ସେମାନଙ୍କୁ ଆଧ୍ୟାତ୍ମିକତା ସହିତ ଯୋଡିଥାଏ । ବିଶେଷକରି ମହିଳାମାନେ ଭାବନ୍ତି ଯେ ସେମାନେ କେଉଁ ରଙ୍ଗର ପୋଷାକ ପିନ୍ଧିବା ଉଚିତ୍‌, ଯାହାଫଳରେ ଭଗବାନ ଶିବ ସେମାନଙ୍କର ସମସ୍ତ ଇଚ୍ଛା ପୂରଣ କରନ୍ତି ।

କୁହାଯାଏ ଯେ, ଭଗବାନ ଶିବଙ୍କର ସବୁଜ ରଙ୍ଗ ଅତ୍ୟନ୍ତ ପ୍ରିୟ, କିନ୍ତୁ ଏହା ବ୍ୟତୀତ ଆପଣ ଅନ୍ୟ ରଙ୍ଗର ପୋଷାକ ମଧ୍ୟ ପିନ୍ଧିପାରିବେ । ଆପଣଙ୍କୁ କେବଳ ଗୋଟିଏ ରଙ୍ଗକୁ ସମ୍ପୂର୍ଣ୍ଣରୂପେ ଏଡାଇବାକୁ ପଡିବ ଏବଂ ତାହା ହେଉଛି କଳା ରଙ୍ଗ । ହିନ୍ଦୁ ଧର୍ମର କୌଣସି ପୂଜାରେ କଳା ରଙ୍ଗ ଶୁଭ ବୋଲି ବିବେଚନା କରାଯାଏ ନାହିଁ । ଏହି ରଙ୍ଗର ପୋଷାକ ଆପଣଙ୍କୁ ଶିବରାତ୍ରୀ ଦିନ ନକାରାତ୍ମକ ଶକ୍ତି ସହିତ ସଂଯୁକ୍ତ କରିପାରେ । ତେବେ ଆସନ୍ତୁ ଆପଣଙ୍କୁ କହିବା ଶିବରାତ୍ରୀରେ ଆପଣ କେଉଁ ପ୍ରକାରର ପୋଷାକ ପିନ୍ଧିବା ଉଚିତ୍‌, ଯାହା ଆପଣଙ୍କୁ ଶିବଙ୍କ ସହିତ ଯୋଡ଼ିବ ।

କେଉଁ ଭଳି କପଡ଼ା ପିନ୍ଧିବେ? 
ଭଗବାନ ଶିବଙ୍କ ପ୍ରିୟ ରଙ୍ଗ ସବୁଜ, ସବୁଜ ରଙ୍ଗର ପୋଷାକ ଆପଣ ମହାଶିବରାତ୍ରୀ ଦିନ ପିନ୍ଧିପାରିବେ । ତଥାପି, ଆପଣ କେବଳ ସବୁଜ ରଙ୍ଗ ପିନ୍ଧିବା ଜରୁରୀ ନୁହେଁ, କାରଣ ଆପଣ ନାଲି, ହଳଦିଆ, ଧଳା, କମଳା ଏବଂ ନୀଳ ରଙ୍ଗର ପୋଷାକ ମଧ୍ୟ ପିନ୍ଧିପାରିବେ । ଏକ ପାରମ୍ପାରିକ ଲୁକ୍‌ ପାଇଁ, ମହିଳାମାନେ ସିଫନ୍‌ ଶାଢ଼ୀ ଚୟନ କରିପାରିବେ, ଯାହା ପିନ୍ଧିବା ଅତ୍ୟନ୍ତ ଆରାମଦାୟକ । ଦିନସାରା ଉପବାସ ହେତୁ, ଆପଣଙ୍କ ଶରୀରରେ ଥକ୍କାପଣ ରହିଥିବ ତେଣୁ ଆପଣଙ୍କୁ ଯାହା ଆରାମଦାୟକ କରିବ ତାକୁ ପରିଧାନ କରିବେ ।

ଆରାମଦାୟକ ପୋଷାକ 
ଆରାମଦାୟକ ପୋଷାକ ଉପବାସ ସମୟରେ ଆପଣଙ୍କର ଶକ୍ତି ବଜାୟ ରଖେ, କାରଣ ସେଗୁଡିକ ପରିଚାଳନା କରିବାରେ ଆପଣଙ୍କୁ ଅଧିକ ପରିଶ୍ରମ କରିବାକୁ ପଡିବ ନାହିଁ । ଏହି ପରିପ୍ରେକ୍ଷୀରେ, ଆପଣ ଫ୍ଲୋରାଲ ପ୍ରିଣ୍ଟ କିମ୍ବା ଅର୍ଗେଜା ଫେବ୍ରିକ ଶାଢ଼ୀ ପିନ୍ଧିପାରିବେ । ବ୍ରାଇଟ କଲରର ଶାଢ଼ୀ ସହିତ କେବଳ କାନଫୁଲ ଏବଂ ହାଲୁକା ମେକଅପ୍‌ କରିବାକୁ ପଡିବ । ଏହା ଆପଣଙ୍କୁ ଆଧ୍ୟାତ୍ମିକ ଲୁକ ଦେବ ।

ରେଶମ କପଡା ସୁଟ୍‌ ଏବଂ ଶାଢ଼ୀ
ରେଶମ ଶରୀର ପାଇଁ ଅତ୍ୟନ୍ତ ଆରାମଦାୟକ, ତେଣୁ ଆପଣ ଏହାକୁ ପୂଜା ପାଇଁ ମଧ୍ୟ ପିନ୍ଧିପାରିବେ । ଆଜିକାଲି ରେଶମ ଶାଢ଼ୀ ବହୁତ ଟ୍ରେଣ୍ଡ କରୁଛି ଏବଂ ଆପଣ ସେମାନଙ୍କୁ ଡିଜାଇନର୍‌ ବ୍ଲାଉଜ୍‌ ସହିତ ପିନ୍ଧି ପାରିବେ । ରେଶମର ଅନେକ ସୁନ୍ଦର ଡିଜାଇନର ସୁଟ୍‌ ମଧ୍ୟ ପାଇବେ । ନିଜକୁ ସରଳ ପାରମ୍ପାରିକ ରୂପ ଦେବା ପାଇଁ ଆପଣ ସିମ୍ପୁଲ ଶାଢ଼ୀ, ସମାନ କଲରର କାନଫୁଲ, ନାକ ପିନ୍‌, ରିଙ୍ଗ ଏବଂ ମାଙ୍ଗ୍‌ ଟିକ୍କା ମଧ୍ୟ ଲଗାଇପାରିବେ ।

କଟନ କୁର୍ତ୍ତୀ
ଶିବରାତ୍ରୀ ସମୟରେ କଟନ କୁର୍ତ୍ତୀ ମଧ୍ୟ ଆପଣ ପିନ୍ଧି ପାରିବେ । କଟନ ଶରୀରକୁ ବହୁତ ଆରାମ ଲାଗିବା ସହିତ କମ୍ଫୋର୍ଟ ଦେଇଥାଏ । ଆପଣ ଯାହା ବି ପିନ୍ଧନ୍ତୁ ସେହିପରି ଗାଢ଼ ମେକଅପ ନେବା କୌଣସି ଆବଶ୍ୟକତା ନାହିଁ । ଆପଣ ହାଲକା ମେକଅପ ନେଇ ମଧ୍ୟ ବେଷ୍ଟ ଲୁକ୍‌ ପାଇପାରିବେ । ତେଣୁ ମନରେ ଭକ୍ତି ସହକାରେ ପୂଜା କରନ୍ତୁ ।