ଶପଥ ଗ୍ରହଣ ଉତ୍ସବକୁ ମୋଦିଙ୍କୁ ନିମନ୍ତ୍ରଣ କଲେ ନବୀନ
ଶପଥ ଗ୍ରହଣ ଉତ୍ସବକୁ ମୋଦିଙ୍କୁ ନିମନ୍ତ୍ରଣ କଲେ ନବୀନ
admin
5661
ଭୁବନେଶ୍ୱର: ବିଜେଡି ବହୁମତ ପାଇସାରିଲାଣି । ରାଜ୍ୟବାସୀଙ୍କ ଆଶୀର୍ବାଦରୁ ବିଜେଡି ପୁଣିଥରେ ସରକାର ଗଢ଼ିବାକୁ ଯାଉଛି । ଶପଥଗ୍ରହଣ ଉତ୍ସବରେ ଅତିଥି ଭାବେ ଯୋଗଦେବା ପାଇଁ ନରେନ୍ଦ୍ର ମୋଦିଙ୍କୁ ବିନମ୍ରତାର ସହ ଅନୁରୋଧ କରୁଛୁ । ଏହା କହିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।
କେନ୍ଦ୍ରାପଡ଼ା ଗସ୍ତ ଅବସରରେ ମୋଦି ନବୀନଙ୍କୁ ଶାଣିତ ସମାଲୋଚନା କରିବା ସହ ନବୀନ ସରକାର ହଟିସାରିଲେଣି ବୋଲି କହିଥିଲେ । ମୋଦିଙ୍କ ଏଭଳି ମନ୍ତବ୍ୟରେ ଜବାବ ଦେଇଛନ୍ତି ନବୀନ । ଯାହାକୁ ନେଇ ରାଜ୍ୟ ରାଜନୀତିରେ ଜୋରଦାର ଚର୍ଚ୍ଚା ଆରମ୍ଭ ହୋଇଯାଇଛି । ସୂଚନାଯୋଗ୍ୟ ଇତି ମଧ୍ୟରେ ୧୬ଲୋକସଭା ଓ ୧୧୨ ବିଧାନସଭା ଆସନ ପାଇଁ ଭୋଟଗ୍ରହଣ ଶେଷ ହୋଇଯାଇଛି । ବିଜେଡି କେତୋଟି ଲୋକସଭା ସାଂସଦ ଜିତିବ ସେ ନେଇ ସ୍ପଷ୍ଟ ହୋଇନଥିଲେ ମଧ୍ୟ ବହୁସ୍ଥାନରେ ବିଜେଡି ବିଧାୟକ ପ୍ରାର୍ଥୀମାନେ ବିଜୟୀ ହୋଇସାରିଛନ୍ତି ବୋଲି ବିଜେଡି ନେତାମାନେ ଦୃଢେ଼ାକ୍ତି ପ୍ରକାଶ କରିଛନ୍ତି ।
