ଲ୍ୟାଣ୍ଡଲାଇନରୁ ମୋବାଇଲକୁ ଫୋନ କରୁଥିଲେ ଆଗ ଏହା ଜାଣନ୍ତୁ
ଲ୍ୟାଣ୍ଡଲାଇନରୁ ମୋବାଇଲକୁ ଫୋନ କରୁଥିଲେ ଆଗ ଏହା ଜାଣନ୍ତୁ
admin
5050
ନୂଆଦିଲ୍ଲୀ: ଲ୍ୟାଣ୍ଡଲାଇନରୁ ମୋବାଇଲ ନମ୍ବରକୁ ଫୋନ କରିବା ବେଳେ ପ୍ରାରମ୍ଭରୁ ‘୦’ (ଶୂନ) ଲଗାଇବାକୁ ପଡ଼ିବ । ଆସନ୍ତା ଜାନୁଆରୀ ୧ ରୁ ଏହି ନୂତନ ବ୍ୟବସ୍ଥା ଲାଗୁ କରିବା ଲାଗି ବ୍ୟବସ୍ଥା କରିବାକୁ ଟେଲିକମ ବିଭାଗ ପକ୍ଷରୁ ଟେଲିକମ କମ୍ପାନୀ ଗୁଡ଼ିକୁ କୁହାଯାଇଛି । ଏହି ବ୍ୟବସ୍ଥା କାର୍ୟ୍ୟକାରୀ କରିବା ଲାଗି ଟେଲିକମ କ୍ଷେତ୍ରରେ ନିୟାମକ ସଂସ୍ଥା ଭାରତୀୟ ଟେଲିକମ ନିୟାମକ କର୍ତ୍ତୃପକ୍ଷ (ଟ୍ରାଇ) ସୁପାରିସ କରିଥିଲା । ସେହି ସୁପାରିସକୁ ଟେଲିକମ ବିଭାଗ ଗ୍ରହଣ କରିଛି । ଲ୍ୟାଣ୍ଡଲାଇନ ଓ ମୋବାଇଲ ସେବା ଲାଗି ପର୍ୟ୍ୟାପ୍ତ ପରିମାଣର ନମ୍ବର ଉପଲବ୍ଧ ରଖିବା ଲାଗି ଟ୍ରାଇ ଦେଇଥିବା ପ୍ରସ୍ତାବକୁ ସରକାର ଗ୍ରହଣ କରିଛନ୍ତି । ଚଳିତ ବର୍ଷ ମେ ୨୯ ରେ ଟ୍ରାଇ ଏହି ସୁପାରିସ କରିଥିଲା । ଟେଲିକମ ବିଭାଗ ପକ୍ଷରୁ ଏ ସଂକ୍ରାନ୍ତରେ ଏକ ସର୍କୁଲାର ଜାରି କରାଯାଇଛି । ଲ୍ୟାଣ୍ଡଲାଇନ ଗ୍ରାହକମାନଙ୍କୁ ଏହି ନୂତନ ବ୍ୟବସ୍ଥା ବିଷୟରେ ଅବଗତ କରିବା ଲାଗି ବ୍ୟବସ୍ଥା କରିବାକୁ କମ୍ପାନୀଗୁଡ଼ିକୁ କୁହାଯାଇଛି । ଯଦି କୌଣସି ଲ୍ୟାଣ୍ଡଲାଇନ ଗ୍ରାହକ ଭୁଲବଶତଃ ପ୍ରାରମ୍ଭରୁ ଶୂନ ନ ଲଗାଇ ମୋବାଇଲକୁ ଫୋନ କରନ୍ତି ତା ହେଲେ ସ୍ୱୟଂକି୍ରୟ ଭାବେ ଯେଭଳି ତାଙ୍କ ପାଇଁ ନୂତନ ବ୍ୟବସ୍ଥା ବିଷୟରେ ଘୋଷଣା ହେବ କମ୍ପାନୀଗୁଡ଼ିକ ସେହି ବ୍ୟବସ୍ଥା କରିବେ ।
