ଲାଗୁ ହେବ ‘୧୮୯୭ ମହାମାରୀ ଆଇନ’!
ଲାଗୁ ହେବ ‘୧୮୯୭ ମହାମାରୀ ଆଇନ’!
admin
2939
ନୂଆଦିଲ୍ଲୀ: କରୋନା ଭାଇରସ୍ ପାଇଁ ଏବେ ବିଶ୍ୱ ବ୍ୟାପୀ ବିଭିନ୍ନ ପ୍ରୟାସ ଜାରି ରହିଛି । ଭାରତର ମଧ୍ୟ କରୋନା ଆକ୍ରାନ୍ତଙ୍କ ସଂଖ୍ୟା ୭୪ ରେ ପହଞ୍ଚିଥିବାରୁ ସରକାର ଏହାର ପ୍ରତିକାର ପାଇଁ ଯଥା ସମ୍ଭବ ପଦକ୍ଷେପ ଗ୍ରହଣ କରୁଛନ୍ତି । ଏ ଦିଗରେ କେନ୍ଦ୍ର ସରକାର ୧୮୯୭ ମହାମାରୀ ଆଇନର ଧାରା ୨ କୁ ଲାଗୁ କରିବା ପାଇଁ ନିଷ୍ପତ୍ତି ନେଇଛନ୍ତି । ଏବେ ସମଗ୍ର ବିଶ୍ୱରେ କରୋନା ଭାଇରସ ଭୟାନକ ସ୍ଥିତି ସୃଷ୍ଟି କରିଥିବାରୁ ଏହାକୁ ମହାମାରୀ ଭାବେ ମଧ୍ୟ ଘୋଷଣା କରାଯାଇଛି । ନିକଟରେ କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରାଳୟ କ୍ୟାବିନେଟ୍ ସଚିବ ରାଜୀବ ଗୌବାଙ୍କ ମାଧ୍ୟମରେ ୧୨୩ ବର୍ଷ ପୁରୁଷ ମହାମାରୀ ରୋଗ ନିୟନ୍ତ୍ରଣ ଆଇନ ୧୮୯୭ ର ଧାରା ୨ କୁ ଲାଗୁ କରିବା ପାଇଁ କେତେକ ପଦକ୍ଷେପ ଗ୍ରହଣ କରିଛି । ଏହି ଆଇନର ଧାରା ୨ରେ ମହାମାରୀ ନିୟନ୍ତ୍ରଣ ପାଇଁ ସରକାରଙ୍କୁ କ୍ଷମତାପନ୍ନ କରାଯାଇଛି । ମହାମାରୀ ବ୍ୟାପିଲେ ରାଜ୍ୟ ସରକାର ଏ ଦିଗରେ କିଛି ନୂଆ ଉପାୟ ଗ୍ରହଣ କରିପାରିବେ । ଏହି ଉପାୟରେ ଲୋକଙ୍କ ସାର୍ବଜନୀନ ସୂଚନା ମାଧ୍ୟମରେ ରୋଗର ପ୍ରକୋପ ଓ ପ୍ରସାରକୁ ରୋକିବା ଦିଗରେ କାର୍ଯ୍ୟକାରୀ ହେବ । ଧାରା ୨(ଏ)ରେ କୁହାଯାଇଛି ଯେ କେନ୍ଦ୍ର ସରକାର ଯଦି ଅନୁଭବ କରିବେ ଭାରତର କୌଣସି ଅଞ୍ଚଳରେ ମହାମାରୀ ବ୍ୟାପୁଥିବା କିମ୍ବା ବ୍ୟାପିବା ସମ୍ଭାବନା ରହିଛି ତେବେ ଏ ଦିଗରେ କଡ଼ା ପଦକ୍ଷେପ ଗ୍ରହଣ କରିପାରିବେ । ଯେ କୌଣସି ଅଞ୍ଚଳରେ ଥିବା ସଂକ୍ରମିତ ସନ୍ଦିଗ୍ଧଙ୍କୁ ନୀରିକ୍ଷଣ କରିପାରିବେ । ରେଳ ଓ ବନ୍ଦର ମାଧ୍ୟମରେ ଯାତ୍ରା କରୁଥିବା ସନ୍ଦିଗ୍ଧଙ୍କୁ କେନ୍ଦ୍ର ସରକାର ହସ୍ପିଟାଲ ଏବଂ ଅସ୍ଥାୟୀ ଶିବିରରେ ରଖିବା ଅଧିକାର ରହିଛି । ୨୦୨୦ ରେ କର୍ଣ୍ଣାଟକର ପ୍ରଥମ ରାଜ୍ୟ ଭାବେ ୧୮୯୭ ମହାମାରୀ ଆଇନକୁ ଲାଗୁ କରିଛି । ଏହି ଆଇନ ବଳରେ ସରକାର ଯେକୌଣସି ରୋଗାକ୍ରାନ୍ତ ଏବଂ ସନ୍ଦିଗ୍ଧଙ୍କୁ ଯାଞ୍ଚ ଏବଂ ସ୍ୱତନ୍ତ୍ର ଭାବେ ଚିକିତ୍ସା ପାଇଁ ପଦକ୍ଷେପ ନେଇପାରିବେ ।
