ରାଲିରେ ରୋକ ପାଇଁ ମନା କଲେ ସୁପ୍ରିମକୋର୍ଟ
ରାଲିରେ ରୋକ ପାଇଁ ମନା କଲେ ସୁପ୍ରିମକୋର୍ଟ
admin
6384
ନୂଆଦିଲ୍ଲୀ: ଆସନ୍ତା ଜାନୁଆରୀ ୧୬ ତାରିଖରେ ଚାଷୀଙ୍କ ପ୍ରସ୍ତାବିତ ଟ୍ରାକ୍ଟର ରାଲି ପ୍ରସଙ୍ଗକୁ ନେଇ ଆଜି ଏକ ବଡ଼ ଖବର ସାମନାକୁ ଆସିଛି । ଏହି ପ୍ରସଙ୍ଗରେ ସୁପ୍ରିମକୋର୍ଟ ଏକ ବଡ଼ ରାୟ ଦେଇଛନ୍ତି । ଟ୍ରାକ୍ଟର ରାଲିରେ ରୋକ ପାଇଁ ସୁପ୍ରିମକୋର୍ଟ ମନା କରିଦେଇଛନ୍ତି । ରାଲି ଉପରେ ରୋକ ଲଗାଇବାକୁ କେନ୍ଦ୍ର ସରକାର ସୁପ୍ରିମକୋର୍ଟରେ ଆବେଦନ କରିଥିବାବେଳେ ସୁପ୍ରିମକୋର୍ଟ ରୋକ ଲଗାଇବା ପାଇଁ ଖୋଲା ଖୋଲି ମନା କରିଦେଇଛନ୍ତି । ଚାଷୀଙ୍କ ଟ୍ୟାକ୍ଟର ରାଲି ନେଇ ଆମେ କୌଣସି ରାୟ ଦେବୁ ନାହିଁ ବୋଲି କୋର୍ଟ କହିଛନ୍ତି । ରାଲି ପ୍ରସଙ୍ଗ ଦିଲ୍ଲୀ ପୁଲିସ ବୁଝିବ ବୋଲି ସୁପ୍ରିମକୋର୍ଟ କହିଛନ୍ତି ।
ପ୍ରକାଶ ଯେ, ଜାନୁୟାରୀ ୨୬ ଗଣତନ୍ତ୍ର ଦିବସ ଅବସରରେ କୃଷକଙ୍କ ଦ୍ବାରା ଆୟୋଜନ କରାଯିବାକୁ ଥିବା ଟ୍ରାକ୍ଟର ରାଲି ବିରୋଧରେ ସୁପ୍ରିମକୋର୍ଟରେ ରୁଜୁ ହୋଇଥିବା ଏକ ପିଟିଶନର ଶୁଣାଣି ସୋମବାର ହୋଇଥିଲା । ଟ୍ରାକ୍ଟର ରାଲି ସମ୍ପର୍କରେ ଦିଲ୍ଲୀ ପୁଲିସ ନିଷ୍ପତ୍ତି ନେଉ ବୋଲି ସର୍ବୋଚ୍ଚ ନ୍ୟାୟାଳୟ ଶୁଣାଣି ସମୟରେ ସଙ୍କେତ ଦେଇଥିଲେ। ଏହା ସହିତ ଆସନ୍ତା ୨୦ ତାରିଖକୁ ମାମଲାର ପରବର୍ତ୍ତୀ ଶୁଣାଣି ପାଇଁ ଦିନ ଧାର୍ୟ୍ୟ କରାଯାଇଥିଲା।
ଦିଲ୍ଲୀ ପୁଲିସ ପକ୍ଷରୁ ସୁପ୍ରିମକୋର୍ଟରେ ଏହି ପିଟିଶନ ଦାୟର କରାଯାଇଥିଲା। ଶୁଣାଣି ସମୟରେ କୋର୍ଟ କହିଥିଲେ, କୃଷକମାନଙ୍କ ଟ୍ରାକ୍ଟର ରାଲି ଉପରେ ପ୍ରଶାସନ ରୋକ୍ ଲଗାଇପାରିବ। କିନ୍ତୁ କୋର୍ଟଙ୍କ ତରଫରୁ ଯଦି ରୋକ୍ ଲଗାଯାଏ, ତେବେ ଏହାର ଏକ ଭୁଲ ବାର୍ତ୍ତା ଯିବ। କୋର୍ଟ ଆହୁରି କହିଥିଲେ, ରାମଲୀଳା ମଇଦାନରେ ବିକ୍ଷୋଭ ଅନୁମତିକୁ ନେଇ ଦିଲ୍ଲୀ ପୁଲିସ ନିଜେ ନିଷ୍ପତ୍ତି ନେବାକୁ ପଡ଼ିବ। ସହରରେ କେତେ ଲୋକ କେମିତି ଆସିବେ ତାହା ପୁଲିସ ସ୍ଥିର କରିବ। ପୁଲିସ ଆକ୍ଟ ଅଧୀନରେ ସରକାରଙ୍କ ପାଖରେ କି କ୍ଷମତା ରହିଛି ତାହା କ’ଣ କୋର୍ଟଙ୍କୁ କହିବାକୁ ପଡ଼ିବ କି ବୋଲି ପ୍ରଧାନ ବିଚାରପତି ଏହି ଅବସରରେ ପ୍ରଶ୍ନ କରିଥିଲେ।
