ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର, ସନେ୍ଦହ ଜନକ ଚିିଠି ଜବତ
ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର, ସନେ୍ଦହ ଜନକ ଚିିଠି ଜବତ
admin
2673
ପାରାଦୀପ,(ଲକ୍ଷ୍ମୀନାରାୟଣ ସାହୁ))ପାରାଦୀପ ଆଦର୍ଶ ଥାନା ଅଧୀନ ଇଫ୍କୋ ଛକ ନିକଟରେ ଥିବା ଏକ ପରିତ୍ୟକ୍ତ ଘରୁ ଝୁଲନ୍ତା ଅବସ୍ଥାରେ ଜଣେ ଯୁବକଙ୍କ ମୃତଦେହ ଉଦ୍ଧାର କରାଯାଇଛି । ମୃତକ ଜଣକ ହେଲେ କେନ୍ଦ୍ରାପଡ଼ା ଜିଲ୍ଲା ମାର୍ଶାଘାଈ ଥାନା ଅଧୀନ ବେଲାରୀ ନୂଆଗାଁ ଗାଁର ବାବାଜୀ ଲେଙ୍କାଙ୍କ ପୁତ୍ର ବିକାଶ ଲେଙ୍କା ଓରଫ ପୁପୁନି । ଖବରପାଇ ପୁଲିସ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରିଥିଲା । ଏହି ସମୟରେ ତାଙ୍କ ପକେଟରୁ ଏକ ଚିଠି ଥିବା ପୁଲିସ ଦେଖିବାକୁ ପାଇଥିଲା । ଏହି ଚିଠିିଟି ଇଂରାଜୀରେ ଲେଖାଯାଇଥିବା ଦେଖିବାକୁ ମିଳିଛି । ଯେଉଁ ଚିଠିରେ କିଛି ଯୁବକଙ୍କ ନାଁ ଉଲ୍ଲେଖ କରାଯାଇଛି । ଯେଉଁମାନେ ତାଙ୍କ ବାଇକ୍ ଛଡ଼ାଇ ନେବା ସହ ତାଙ୍କୁ ହତ୍ୟା କରିଥିବା ଏଥିରେ ଉଲ୍ଲେଖ କରାଯାଇଛି । ବର୍ତ୍ତମାନ ପୁଲିସ ଏହି ଘଟଣାରେ ତଦନ୍ତ ଆରମ୍ଭ କରିଛି ।
ଏହି ଘଟଣା ଏବେ ରହସ୍ୟ ଘେରରେ ରହିଛି । ଏହି ଅର୍ଧନିର୍ମିତ ଘରକୁ ବିକାଶ ଆସିଥିଲେ କାହିଁକି? ସେ ଆତ୍ମହତ୍ୟା କରିଛନ୍ତି ନା ତାଙ୍କୁ ହତ୍ୟା କରାଯାଇ ଟାଙ୍ଗି ଦିଆଯାଇଛି, ତାହା ଜଣାପଡ଼ୁ ନାହିଁ । ଶବ ଜବତ ସମୟରେ ବିକାଶଙ୍କ ମୁହଁ ବନ୍ଧା ଯାଇଥିବା ବେଳେ ତାଙ୍କ ବେକକୁ କେବୁଲ ତାରରେ ଗୁଡ଼ା ଯାଇଥିବା ଦେଖାଯାଇଛି । ତଦନ୍ତ ପରେ ସବୁକିଛି ସ୍ପଷ୍ଟ ହୋଇଯିବ ବୋଲି ଥାନା ଇନ୍ସପେକ୍ଟର ରଜନୀକାନ୍ତ ସାମଲ କହିଛନ୍ତି । ଏହି ଘଟଣା ପରେ ସ୍ଥାନୀୟ ଅଞ୍ଚଳରେ ଅନେକ ଚର୍ଚ୍ଚା ଶୁଣିବାକୁ ମିଳୁଛି । ବିକାଶଙ୍କର ସ୍ଥାନୀୟ ଅଞ୍ଚଳରେ ରହୁଥିବା ଜଣେ ମହିଳାଙ୍କ ସହ ସମ୍ପର୍କ ରହିଥିଲା । ଏହି କଥା ଜଣାପଡ଼ିଯିବା ଯୋଗୁଁ ତାଙ୍କ ସ୍ୱାମୀ ବିକାଶଙ୍କୁ ବହୁ ଥର ଧମକ ଦେଉଥିବା ମଧ୍ୟ ଦେଖାଯାଇଥିଲା ।
