ଭୁବନେଶ୍ୱର ଜିଲ୍ଲା କଂଗ୍ରେସ ପକ୍ଷରୁ ନିଆରା ‘ପିଆଜ ବିକ୍ଷୋଭ’
ଭୁବନେଶ୍ୱର ଜିଲ୍ଲା କଂଗ୍ରେସ ପକ୍ଷରୁ ନିଆରା ‘ପିଆଜ ବିକ୍ଷୋଭ’
admin
3210
ଭୁବନେଶ୍ୱର : ଭୁବନେଶ୍ୱର ଜିଲ୍ଲା କଂଗ୍ରେସ ସବୁବେଳେ ସାଧାରଣ ଜନତାଙ୍କ ହକ ପାଇଁ ଲଢ଼ି ଆସୁଥିବାବେଳେ ନିଆରା ପ୍ରତିବାଦ କାର୍ଯ୍ୟକ୍ରମ ଆୟୋଜନ କରି ସରକାରଙ୍କ ଉପରେ ଚାପ ପକାଇବାରେ ସମର୍ଥ ହୋଇଛି । ସମ୍ପ୍ରତି ପିଆଜ ଦର ଆକାଶଛୁଅାଁ ହୋଇଥିବାବେଳେ ଏନେଇ ଜିଲ୍ଲା ସଭାପତି ମାନସ ଚୌଧୁରୀଙ୍କ ନେତୃତ୍ୱରେ ଏକ ନିଆରା ବିକ୍ଷୋଭ କାର୍ଯ୍ୟକ୍ରମର ଆୟୋଜନ କରାଯାଇଛି । ‘ପିଆଜ’ କିଭଳି ସଭିଙ୍କୁ କନ୍ଦାଉଛି, ରାଜ୍ୟ ସରକାର ଓ କେନ୍ଦ୍ର ସରକାର କିଭଳି ଶୋଇ ରହି ଗରିବ ଲୁହର ମଜା ଦେଖୁଛନ୍ତି ତାହାର ଚିତ୍ର ଦେଖାଇ ସରକାରଙ୍କ ଉପରେ ଚାପ ପ୍ରୟୋଗ କରିବାର ଲକ୍ଷ୍ୟ ରଖାଯାଇଛି । ସୋମବାର ଦିନ ୧୧ଟାରେ ମାଷ୍ଟରକ୍ୟାଂଟିନ ଛକରେ ଦଳ ପକ୍ଷରୁ ପିଆଜ ବିକ୍ରିର ଯୋଜନା କରାଯାଇଛି । ଏଭଳି ଏକ ଜନସ୍ୱାର୍ଥ ସମ୍ବଳିତ ନିଆରା ବିକ୍ଷୋଭ କାର୍ଯ୍ୟକ୍ରମରେ ସାମିଲ ହେବାକୁ ଭୁବନେଶ୍ୱର ଜିଲ୍ଲା କଂଗ୍ରେସ ସଭାପତି ମାନସ ଚୌଧୁରୀ ନିବେଦନ କରିଛନ୍ତି ।
