ଭାରତୀୟ ଶିଶୁଙ୍କ ଠାରେ ନୂଆ କରୋନା ଲକ୍ଷଣ, ଦିଲ୍ଲୀ ଏମସରେ ୨ଟି ମାମଲା
ଭାରତୀୟ ଶିଶୁଙ୍କ ଠାରେ ନୂଆ କରୋନା ଲକ୍ଷଣ, ଦିଲ୍ଲୀ ଏମସରେ ୨ଟି ମାମଲା
admin
6184
ନୂଆଦିଲ୍ଲୀ: ଦେଶରେ ବୟସ୍କ କରୋନା ରୋଗୀଙ୍କ ତୁଳନାରେ ଶିଶୁ ରୋଗୀଙ୍କ ସଂଖ୍ୟା ଯଥେଷ୍ଟ କମ୍ ରହିଛି । ଶିଶୁ ମୃତୁ୍ୟହାର ମଧ୍ୟ ଅପେକ୍ଷାକୃତ କମ ରହିଛି । ଏହାର ମୁଖ୍ୟ କାରଣ ହେଉଛି କରୋନା ସଂକ୍ରମିତ ଚିହ୍ନଟ ହେଉଥିବା ଅଧିକାଂଶ ଶିଶୁ ସ୍ୱଳ୍ପ ଲକ୍ଷଣ ଯୁକ୍ତି କିମ୍ବା ଲକ୍ଷଣବିହୀନ ରହୁଛନ୍ତି । କିନ୍ତୁ ଗତ କିଛି ଦିନ ହେବ ଭାରତରେ କରୋନା ସଂକ୍ରମିତ ହେଉଥିବା ଶିଶୁଙ୍କଠାରେ ଏକ ନୂଆ ଲକ୍ଷଣ ଦେଖିବାକୁ ମିଳିଛି । ଏହି ଘାତକ ଲକ୍ଷଣକୁ ‘ମଲ୍ଟି ସିଷ୍ଟମ ଇଫ୍ଲାମେଣ୍ଟାରୀ ସିଣ୍ଡ୍ରୋମ (ଏମଆଇଏସସି) ନାମରେ ନାମିତ କରାଯାଇଛି । ପୂର୍ବରୁ ଇଟାଲୀ, ସ୍ପେନ, ବି୍ରଟେନ ଏବଂ ଆମେରିକାରେ କେତେକ କରୋନା ସଂକ୍ରମିତ ଶିଶୁଙ୍କ ନିକଟରେ ଏହି ଲକ୍ଷଣ ଦେଖାଯାଉଥିଲା । ଏମଆଇଏସ-ସିରେ ଶିଶୁମାନଙ୍କର କେତେକ ଅଙ୍ଗ ଠିକ୍ ରୂପେ କାମ କରିନଥାଏ ଏବଂ ଦେହ ସାରା ଘିକିରି ଭଳି ଫଳିଯାଏ । ତା’ସାଙ୍ଗକୁ ଦେହର କିଛି ଭାଗରେ ଜ୍ୱଳନ ହେଲା ପରି ଅନୁଭବ ହେବା ସହିତ ଜ୍ୱର ମଧ୍ୟ ହୋଇଥାଏ । ଦିଲ୍ଲୀ ଏମ୍ସରେ ଭର୍ତ୍ତି ହୋଇଥିବା କରୋନା ସଂକ୍ରମିତ ଶିଶୁଙ୍କ ମଧ୍ୟରୁ ଦୁଇ ଜଣ ନିକଟରେ ଏମଆଇଏସ-ସି ଲକ୍ଷଣ ଦେଖାଯାଉଛି । ଏହି ୨ ଶିଶୁଙ୍କ ମଧ୍ୟରୁ ଜଣଙ୍କୁ ଅଢେ଼ଇ ବର୍ଷ ହୋଇଥିବା ବେଳେ ଅନ୍ୟ ଜଣଙ୍କୁ ୬ ବର୍ଷ । ଉଭୟ ଶିଶୁଙ୍କ ନିକଟରେ କରୋନା ଲକ୍ଷଣ ବ୍ୟତୀତ ଏମଆଇଏସ-ସିର ଲକ୍ଷଣ ଦେଖାଯାଇଛି ।
