ଭାରତରେ ଗ୍ରାମାଞ୍ଚଳରେ କରୋନା ସଂକ୍ରମଣର ପ୍ରକୋପ ବୃଦ୍ଧି ହେଲାଣି
ଭାରତରେ ଗ୍ରାମାଞ୍ଚଳରେ କରୋନା ସଂକ୍ରମଣର ପ୍ରକୋପ ବୃଦ୍ଧି ହେଲାଣି
admin
5442
ଗ୍ରାମୀଣ ଭାରତରେ ବ୍ୟାପୁଛି ସଂକ୍ରମଣ
ନୂଆଦିଲ୍ଲୀ: ଦେଶରେ ଦ୍ୱିତୀୟ ଲହର ସଂକ୍ରମଣ ଭୟ ଖେଳାଇ ଦେଇଥିବା ବେଳେ ଏବେ ପୁଣି ତୃତୀୟ ଲହର ସଂକ୍ରମଣ ନେଇ ସରକାର ଚେତାବନୀ ଦେଲେଣି । ଦୈନିକ ସଂକ୍ରମଣ ପୁଣି ୪ ଲକ୍ଷ ଟପିଛି । କିଛି ରାଜ୍ୟରେ ସଂକ୍ରମଣ କମୁଛି କିନ୍ତୁ ଏହା ଆଦୌ ଆଶ୍ୱସ୍ତିଜନକ ନୁହେଁ । ଏବେ ଦକ୍ଷିଣ ଭାରତରେ ସଂକ୍ରମଣ ବୃଦ୍ଧି ହେଲାଣି । ଗ୍ରାମାଞ୍ଚଳରେ କରୋନାର ପ୍ରକୋପ ବଢ଼ୁଥିବାରୁ କେନ୍ଦ୍ର ଓ ରାଜ୍ୟ ସରକାରମାନଙ୍କ ଚିନ୍ତା ବଢ଼ିଛି । ମହାରାଷ୍ଟ୍ର ପରି ସ୍ଥିତି କର୍ଣ୍ଣାଟକରେ ଦେଖିବାକୁ ମିଳିଛି । ପ୍ରଥମ ଥର ପାଇଁ ଗତକାଲି କର୍ଣ୍ଣାଟକରେ ଦୈନିକ ସଂକ୍ରମଣ ମାମଲା ୫୦ ହଜାର ଟପିଛି । ବିଶ୍ୱର ମୋଟ ସଂକ୍ରମଣ ମାମଲାର ଅଧା ଏବଂ କରୋନା ମୃତୁ୍ୟର ୨୫ ପ୍ରତିଶତ କେବଳ ଭାରତରେ ରହିଛି । ଗ୍ରାମୀଣ ଅଞ୍ଚଳରେ ପ୍ରାୟ ୭୦ ପ୍ରତିଶତ ଲୋକଙ୍କ ପାଇଁ କୋଭିଡ ସଂକ୍ରମଣ ବଡ଼ ଚ୍ୟାଲେଞ୍ଜ ସୃଷ୍ଟି କରିଛି । ଗାଁ ଗୁଡ଼ିକରେ ସ୍ଥିତି ସଂଗୀନ ହେବାରେ ଲାଗିଛି ବୋଲି ଏକ ମାନବ ଅଧିକାର ସଂସ୍ଥା ‘ସଂଶୋଧନ ଏବଂ ମହିଳା ବିକାଶ ସଂସ୍ଥାନ’ର ସଂଯୋଜକ ସୁରେଶ କୁମାର କହିଛନ୍ତି । ଗାଁ ଗହଳରେ ଅନେକ ଲୋକ ସତର୍କତା ଅବଲମ୍ବନ କରୁନାହାନ୍ତି କି ସଂକ୍ରମଣର ଲକ୍ଷଣକୁ ବୁଝିପାରୁ ନାହାନ୍ତି । ସଂକ୍ରମଣ ଗୁରୁତର ହେବାପରେ ଅନେକଙ୍କର ମୃତୁ୍ୟ ହୋଇଯାଉଛି । ଗ୍ରାମୀଣ ଅଞ୍ଚଳରେ ଟିକାକରଣ ସ୍ଥିତି ମଧ୍ୟ ଅତି ଦୟନୀୟ ସ୍ତରରେ ରହିଛି । ଟିକାକରଣ କେନ୍ଦ୍ରଗୁଡ଼ିକରେ ଅବ୍ୟବସ୍ଥା ମଧ୍ୟ ସମସ୍ୟାକୁ ଜଟିଳ କରିବାରେ ଲାଗିଛି ।
