ଭଗବାନ ନାରାୟଣଙ୍କ ହସ୍ତରେ ଥିବା ଶଙ୍ଖ, ଚକ୍ର, ଗଦା ଓ ପଦ୍ମର ମହତ୍ତ୍ୱ ବିଷୟରେ ଆସନ୍ତୁ ଜାଣିବା
ଭଗବାନ ନାରାୟଣଙ୍କ ହସ୍ତରେ ଥିବା ଶଙ୍ଖ, ଚକ୍ର, ଗଦା ଓ ପଦ୍ମର ମହତ୍ତ୍ୱ ବିଷୟରେ ଆସନ୍ତୁ ଜାଣିବା
admin
3967
ଭଗବାନ ନାରାୟଣ ତ୍ରିଦେବଙ୍କ ମଧ୍ୟରୁ ଜଣେ। ପୌରାଣିକ ମାନ୍ୟତା ଅନୁଯାୟୀ, ବ୍ରହ୍ମା ସୃଷ୍ଟିର ରଚନା କରିଥିଲେ, ଭଗବାନ ନାରାୟଣ ପାଳନକର୍ତ୍ତା ଓ ପ୍ରଭୁ ଶିବ ଶଙ୍କର ସଂହାରକର୍ତ୍ତା। ପ୍ରଭୁ ନାରାୟଣ ଙ୍କର ପତ୍ନୀ ମା’ଲକ୍ଷ୍ମୀ। ପ୍ରଭୁ ନାରାୟଣ ଶଙ୍ଖ, ଚକ୍ର, ଗଦା ଓ ପଦ୍ମ ଧାରଣ କରିବାର ମହତ୍ତ୍ୱ ବିଷୟରେ ଜାଣନ୍ତୁଟ୍ଟ.
ଭଗବାନ ନାରାୟଣ ଙ୍କ ସ୍ୱରୂପ –
ନାରାୟଣ ପୁରାଣ ଅନୁଯାୟୀ, ସାଗର ମଧ୍ୟରେ ବାସୁକୀ ନାଗ ଉପରେ ବିରାଜିତ ଭଗବାନ ନାରାୟଣ ଙ୍କର ୪ ଭୁଜ। ତାଙ୍କର ଗୋଟିଏ ହାତରେ ଶଙ୍ଖ, ୨ୟ ହସ୍ତରେ ସୁଦର୍ଶନ ଚକ୍ର, ତୃତୀୟରେ ଗଦା, ଚତୁର୍ଥ ହସ୍ତରେ ପଦ୍ମ ରହିଥାଏ। ଭଗବାନ ନିଜ ହସ୍ତରେ ଧାରଣ କରୁଥିବା ଏହି ସମସ୍ତ ଜିନିଷର ମହତ୍ତ୍ୱ ରହିଛି। ଜାଣନ୍ତୁ ଟ୍ଟ.
ସୁଦର୍ଶନ ଚକ୍ର –
ସୁଦର୍ଶନ ଚକ୍ର ଭଗବାନ ନାରାୟଣ ଙ୍କର ଶସ୍ତ୍ର। ଏହି ଚକ୍ର ଲକ୍ଷ୍ୟ ପ୍ରତି ସର୍ବଦା ସ୍ଥିର ରହିବାବାକୁ ପ୍ରେରଣା ଦେଇଥାଏ। ଲକ୍ଷ୍ୟ ସଠିକ ରହିଲେ ଜୀବନରେ ସଫଳତା ମିଳିଥାଏ। ଏହାର ଦୂରଦର୍ଶିତାର ପ୍ରତୀକ ଅଟେ।
ଶଙ୍ଖର ପ୍ରତୀକ –
ଶଙ୍ଖର ଧ୍ୱନି ଜୀବନରେ ସକରାତ୍ମକ ଶକ୍ତିର ସଞ୍ଚାର କରିବାର ପ୍ରତୀକ। ଶଙ୍ଖରୁ ବାହାରୁଥିବା ଧ୍ୱନିରେ ନକରାତ୍ମକ ଶକ୍ତି ନଷ୍ଟ ହୋଇଯାଏ। ଏହା ଓଁ ଧ୍ୱନି ସହ ସମାନ ବୋଲି କୁହାଯାଏ। ଏହି ଶଙ୍ଖ ଧ୍ୱନି ଆମ ଅନ୍ତରାତ୍ମା ଓ ଚେତନାକୁ ଜାଗ୍ରତ କରିବାକୁ ପ୍ରେରଣା ଦେଇଥାଏ।
ଗଦାର ମହତ୍ତ୍ୱ –
ଭଗବାନ ନାରାୟଣ ଙ୍କ ହାତରେ ଥିବା ଗଦା ବଳ ଓ ଶକ୍ତିର ପ୍ରତୀକ। ଏହା ଦୁଷ୍ଟ ଚରିତ୍ରର ବ୍ୟକ୍ତିଙ୍କ ପାଇଁ ଭୟର କାର୍ୟ୍ୟ କରିଥାଏ। ସଜ୍ଜନ ବା ସାଧୁମାନଙ୍କ ପାଇଁ ରକ୍ଷାର ପ୍ରତୀକ।
ପଦ୍ମର ପ୍ରତୀକ –
ଏହି ଫୁଲ ଏକାଗ୍ରତା ଓ ସତ୍ୟତାର ପ୍ରତୀକ ବୋଲି ବିବେଚନା କରାଯାଏ। ଯେଉଁପ୍ରକାରେ ପଦ୍ମଫୁଲ ପଙ୍କରେ ରହି ମଧ୍ୟ ସ୍ୱଚ୍ଛ ଓ ସୁନ୍ଦର ଭାବେ ରହିଥାଏ। ସେହିପରି ପ୍ରତ୍ୟେକ ବ୍ୟକ୍ତି ସଂସାରର ମାୟାରେ ରହି ମଧ୍ୟ ନିଜେ ନିଷ୍ପାପି ଓ ସାଧୁତା ଆଚରଣ ରହିବା ଉଚିତ।
