ବିଶ୍ୱବିଦ୍ୟାଳୟ ଅଧ୍ୟାଦେଶ ବିରୋଧରେ ଚିଠି ଲେଖିଲେ ଧର୍ମେନ୍ଦ୍ର
ବିଶ୍ୱବିଦ୍ୟାଳୟ ଅଧ୍ୟାଦେଶ ବିରୋଧରେ ଚିଠି ଲେଖିଲେ ଧର୍ମେନ୍ଦ୍ର
admin
3158
ଭୁବନେଶ୍ୱର : ରାଜ୍ୟ ସରକାରଙ୍କ ପକ୍ଷରୁ ଅଣାଯାଇଥିବା ନୂତନ ବିଶ୍ୱବିଦ୍ୟାଳୟ ଅଧ୍ୟାଦେଶକୁ ବିରୋଧ କରି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଚିଠି ଲେଖିଛନ୍ତି । କେନ୍ଦ୍ର ଶିକ୍ଷା ମନ୍ତ୍ରୀ ରମେଶ ପୋଖରିୟାଲ ନିଶଙ୍କଙ୍କୁ ଚିଠି ଲେଖି ମାମଲାରେ ହସ୍ତକ୍ଷେପ କରିବା ପାଇଁ ଧର୍ମେନ୍ଦ୍ର ଅନୁରୋଧ କରିଛନ୍ତି । ଏହି ନୂତନ ଅଧ୍ୟାଦେଶକୁ ନେଇ ସରକାର ବିଧାନସଭାରେ ଆଲୋଚନା କରିନାହାନ୍ତି ବୋଲି ଧର୍ମେନ୍ଦ୍ର ଚିଠିରେ ଉଲ୍ଲେଖ କରିଛନ୍ତି । ଏହା ସହିତ ଏହି ନୂତନ ନିୟମ ପ୍ରଚଳିତ ଶିକ୍ଷା ନିୟମ ବିରୋଧରେ ବୋଲି ଧର୍ମେନ୍ଦ୍ର ମତ ଦେଇଛନ୍ତି ।
ନିଜ ଚିଠି ସହିତ ଦୁଇ ଶିକ୍ଷାବିତଙ୍କ ଚିଠି ମଧ୍ୟ ଧର୍ମେନ୍ଦ୍ର ନିଶଙ୍କଙ୍କୁ ପଠାଇଛନ୍ତି । ଏହି ଅଧ୍ୟାଦେଶକୁ ଶିକ୍ଷାବିତଙ୍କ ଠାରୁ ଆରମ୍ଭ କରି ଛାତ୍ରଛାତ୍ରୀ ବିରୋଧ କରୁଥିବାରୁ ଏହି ନିୟମରେ କେନ୍ଦ୍ର ଶିକ୍ଷାମନ୍ତ୍ରୀଙ୍କ ହସ୍ତକ୍ଷେପ ଲୋଡିଛନ୍ତି ଧର୍ମେନ୍ଦ୍ର ।
