ବିଶ୍ୱପ୍ରସିଦ୍ଧ ରଥଯାତ୍ରା ପାଇଁ ବୌଦ୍ଧରୁ ଆସିବ ୬୦୧ ଖଣ୍ଡ କାଠ
ବିଶ୍ୱପ୍ରସିଦ୍ଧ ରଥଯାତ୍ରା ପାଇଁ ବୌଦ୍ଧରୁ ଆସିବ ୬୦୧ ଖଣ୍ଡ କାଠ
admin
5535
ପୁରୀ: ମହାପ୍ରଭୁଙ୍କ ବିଶ୍ୱପ୍ରସିଦ୍ଧ ରଥଯାତ୍ରା-୨୦୨୧ ପାଇଁ ଚାଲିଛି ପ୍ରସ୍ତୁତି । ରଥ ନିର୍ମାଣ ପାଇଁ ଚଳିତ ବର୍ଷ ବୌଦ୍ଧ ବନଖଣ୍ଡ ଯୋଗାଇବ ୬୦୧ ଖଣ୍ଡ କାଠ । କାଠ ତନଖିବାକୁ ଶ୍ରୀମନ୍ଦିର ପ୍ରଶାସନର ଟିମ ବୌଦ୍ଧ ଯାତ୍ରା କରିଛି । ଶ୍ରୀମନ୍ଦିର ବରିଷ୍ଠ ତତ୍ତ୍ୱାବଧାରକ ସୁଦର୍ଶନ ମେକାପଙ୍କ ନେତୃତ୍ୱରେ ଭୋଇ ସର୍ଦ୍ଧାର ରବି ଭୋଇ, ରଥ ଅମିନ ଲକ୍ଷ୍ମଣ ମହାପାତ୍ର ପ୍ରମୁଖ ମହାପ୍ରଭୁଙ୍କ ମାଳ ମାହାର୍ଦ୍ଧ ନେଇ ଯାଇଛନ୍ତି । ଆଜି ବନଦୁର୍ଗାଙ୍କ ନିକଟରେ ପୂଜାର୍ଚ୍ଚନା ପରେ ରଥକାଠ ଖୋଜା ଆରମ୍ଭ ହେବ । ଏଥର ମୂଲ୍ୟବାନ କାଠ ସବୁ ବୌଦ୍ଧ ଯୋଗାଇବ ବୋଲି ବନ ବିଭାଗ ସ୍ଥିର କରିଛି । ଏଥିରେ ମୁଖ୍ୟତଃ ରହିଛି ଅସନ, ଧଉରା, ସିମିଳି ଓ ଫାସୀ କାଠ । ଏଥିରେ ରଥର ଗୁରୁତ୍ୱପୂର୍ଣ୍ଣ ଅଂଶ ଅଖ, ଚାରିନାହାକା, ଚଉଦନାହାକା ଓ ଗରଗରା ଆଦି ନିର୍ମାଣ ହେବ । ୪ ଦିନିଆ ଗସ୍ତରେ ଯାଇଛି ଟିମ । ବୌଦ୍ଧ ବନବିଭାଗ ଠାକୁରାଣୀଙ୍କୁ ପୂଜା କରିବା ପରେ କାଠ ଖୋଜିବାକୁ ବାହାରିବେ । ଶ୍ରୀମନ୍ଦିର ଟିମ ତନଖିବାକୁ ସାଙ୍ଗରେ ଯିବେ । କଣ୍ଟାମାଳ ଆଦି ବିଭିନ୍ନ ସ୍ଥାନ ଗସ୍ତ କରିବାକୁ କାର୍ଯ୍ୟକ୍ରମ ରହିଛି । ନୟାଗଡ଼ ବନଖଣ୍ଡ ଏଥର ୧୯୫ ଖଣ୍ଡ କାଠ ଯୋଗାଇବ । ୪୯ ଖଣ୍ଡ କାଠ ବଡ଼ଦାଣ୍ଡ ରଥଖଳାରେ ପହଞ୍ଚି ଯାଇଛି ବୋଲି ଶ୍ରୀ ମେକାପ କହିଛନ୍ତି ।
