ବିଧାୟକଙ୍କ ଗିରଫ ଦାବି କଲା ବିଜେପି

Jun 7, 2019 - 07:15 Updated: Jun 7, 2019 - 07:15

3592

ଭୁବନେଶ୍ୱର: ବିଜେଡ଼ି ବିଧାୟକ ସରୋଜ ମେହେରଙ୍କ ଦବଙ୍ଗଗିରିକୁ ନେଇ ଚର୍ଚ୍ଚା ଜୋର ଧରିଛି । ପାଟଣାଗଡରେ ଜେଇଙ୍କୁ ବିଧାୟକ ଉଠବସ କରିବା ଘଟଣାକୁ ନେଇ ଗିରଫ ଦାବି କରିଛି ବିଜେପି । ଏକ ପ୍ରେସମିଟରେ ବିଧାୟକଙ୍କୁ ଗିରଫ କରାଯାଉ ବୋଲି ବିଜେପି କହିଛି । ବିଧାୟକଙ୍କ ଏଭଳି ଆଚରଣ ପାଇଁ ଲେଖାଶ୍ରୀ ସାମନ୍ତରାୟ କଡା ନିନ୍ଦା କରିଛନ୍ତି । ସେ କହିଛନ୍ତି କି ବିଧାୟକ ଆଇନକୁ ହାତକୁ ନେଇଛନ୍ତି, ଏବଂ ଗୁଣ୍ଡା ଭଳି ଆଚରଣ କରିଛନ୍ତି । ଏହା ସଭ୍ୟ ସମାଜ ପାଇଁ ଅତ୍ୟନ୍ତ ନିନ୍ଦନୀୟ ଘଟଣା ବୋଲି ଲେଖାଶ୍ରୀ କହିଛନ୍ତି । ବିଧାୟକ ଗତକାଲି ନିଜ ଭୁଲକୁ ମଧ୍ୟ ସ୍ୱକାର କରିସାରିଛନ୍ତି । ପୋଲିସକୁ ଆଉ କଣ ପ୍ରମାଣ ଦରକାର, କାହିଁକି ଏପର୍ଯ୍ୟନ୍ତ ଗିରଫ କରାଯାଇନି ବୋଲି ଅଭିଯୋଗ କରିଛନ୍ତି । ଏପଟେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନୀରବତାକୁ ନେଇ ମଧ୍ୟ ପ୍ରଶ୍ନ ଉଠୁଛି ବୋଲି ଲେଖାଶ୍ରୀ କହିଛନ୍ତି ।