ବିଜେପିରେ ଯୋଗ ଦେଲେ ସନି ଦେଓଲ

Apr 23, 2019 - 09:57 Updated: Apr 23, 2019 - 09:57

6507

ନୂଆଦିଲ୍ଲୀ: ବଲିଉଡ ଅଭିନେତା ସନୀ ଦେଓଲ ମଙ୍ଗଳବାର ବିଜେପିରେ ସାମିଲ ହୋଇଛନ୍ତି । ଦିଲ୍ଲୀସ୍ଥିତ ଦଳୀୟ କାର୍ଯ୍ୟାଳୟରେ ସେ ବିଜେପିରେ ସାମିଲ ହୋଇଛନ୍ତି । ପ୍ରତିରକ୍ଷା ମନ୍ତ୍ରୀ ନିର୍ମଳା ସୀତାରମଣ ସନୀ ଦେଓଲଙ୍କୁ ଦଳରେ ସାମିଲ କରାଇବା ସହ ଫୁଲତୋଡ଼ା ଦେଇ ତାଙ୍କୁ ସ୍ୱାଗତ କରିଥିଲେ । ବିଜେପି ପକ୍ଷରୁ ସେ ଗୁରଦାସପୁରରୁ ନିର୍ବାଚନ ଲଢିପାରନ୍ତି ବୋଲି ସୂଚନା ମିଳିଛି । ଏହି ଅବସରରେ କେନ୍ଦ୍ରମନ୍ତ୍ରୀ ପୀୟୂଷ ଗୋଏଲ କହିଛନ୍ତି ଯେ, ଦୀର୍ଘ ଦିନର ପାରିବାରିକ ସମ୍ପର୍କ ଏବେ ରାଜନୈତିକ ସମ୍ପର୍କରେ ପରିଣତ ହୋଇଛି । ୨୦୦୮ରେ ଧର୍ମେନ୍ଦ୍ର ଦଳର ସାଂସଦ ଥିଲେ ଓ ଏବେ ତାଙ୍କ ପୁଅ ସନୀ ଦେଓଲ ମଧ୍ୟ ବିଜେପିରେ ସାମିଲ ହୋଇଛନ୍ତି । ସେ ଲୋକଙ୍କ ମନରେ ନିଜ ରାଜନୈତିକ ଛାପ ଛାଡ଼ିବାରେ ସଫଳ ହେବେ ବୋଲି ଆମର ଭରସା ରହିଛି ବୋଲି ଶ୍ରୀ ଗୋଏଲ କହିଛନ୍ତି ।