ବିଜେଡ଼ି ବିଧାୟକ ଚାହୁଁଛନ୍ତି; ‘ବିଜୟ ମହାପାତ୍ର ଜିତନ୍ତୁ’
ବିଜେଡ଼ି ବିଧାୟକ ଚାହୁଁଛନ୍ତି; ‘ବିଜୟ ମହାପାତ୍ର ଜିତନ୍ତୁ’
admin
4563
ଭୁବନେଶ୍ୱର : ଖାଲି ପାଟକୁରା ଭୋଟର ନୁହଁନ୍ତି ବିଜେଡ଼ି ବିଧାୟକମାନେ ମଧ୍ୟ ଚାହୁଁଛନ୍ତି ବିଜୟ ମହାପାତ୍ର ଜିତନ୍ତୁ । ଏକଥା ଆଉ କେହି ନୁହେଁ, ଖୋଦ ବିଜୟ ମହାପାତ୍ର କହିଛନ୍ତି ।
ପାଟକୁରା ନିର୍ବାଚନରେ ତାଙ୍କୁ ପରାସ୍ତ କରିବା ପାଇଁ ବିଜେଡ଼ି ସବୁମତେ ପ୍ରୟାସ କରିବ । ପ୍ରତି ପଂଚାୟତରେ ବିଜେଡ଼ି ବିଧାୟକ ରହିବେ ବୋଲି ଚର୍ଚ୍ଚା ହେଉଛି । ଏସମ୍ପର୍କରେ ବିଜୟ କହିଛନ୍ତିଯେ, ସେହି ବିଧାୟକଙ୍କ ମଧ୍ୟରୁ ୮୦ ପ୍ରତିଶତ ତାଙ୍କୁ ସମର୍ଥନ କରିବେ । ତାଙ୍କ ପାଇଁ ବିଜେଡ଼ି ବିଧାୟକଙ୍କ ଅନୁକମ୍ପା ରହିଛି । ସେମାନେ ଦଳର ଆଦେଶ ମାନି ଆସିବେ ସତ, କିନ୍ତୁ ବିଜୟ ଭାଇ ଜିତନ୍ତୁ ବୋଲି ତାଙ୍କର ଅନ୍ତର କହୁଛି ବୋଲି ସେ କହିଛନ୍ତି । ସେହିପରି ବୈଜୟନ୍ତ ପଣ୍ଡାଙ୍କ ଭଳି ତାଙ୍କ ପାଇଁ ମଧ୍ୟ କଂଗ୍ରେସ ନେତା ଓ କର୍ମୀଙ୍କର ସହଯୋଗ ରହିବ । ଏତଦବ୍ୟତୀତ ଗାଁ ଗହଳିରେ ବିଜେଡ଼ି କର୍ମୀମାନେ ମଧ୍ୟ ତାଙ୍କୁ ସାହାଯ୍ୟ କରିବାକୁ ଆଗେଇ ଆସିଛନ୍ତି ବୋଲି ଶ୍ରୀ ମହାପାତ୍ର ପ୍ରକାଶ କରିଛନ୍ତି ।
ଅନୁକମ୍ପା ସମ୍ପର୍କରେ ବିଜୟ କହିଛନ୍ତିଯେ, ସେ ଅନୁକମ୍ପାମୂଳକ ଭୋଟ ମାଗୁନାହାନ୍ତି । ତାଙ୍କ ପାଇଁ ସ୍ୱତଃ ଅନୁକମ୍ପା ସୃଷ୍ଟିହୋଇଛି । ଅନୁକମ୍ପାକୁ ପ୍ରସଙ୍ଗ ନକରି ସେ ଲୋକଙ୍କ ସହ ସିଧାସଳଖ କଥା ହୋଇଥା’ନ୍ତି । ସେହିପରି ତାଙ୍କ ପ୍ରତିଦ୍ୱନ୍ଦ୍ୱୀ ପାଟକୁରାର ନୁହଁନ୍ତି । କିନ୍ତୁ ସେ ପାଟକୁରା ମାଟିର ବୋଲି ବିଜୟ କହିଛନ୍ତି ।
