ବାପାଙ୍କ ଚଳଚ୍ଚିତ୍ରରେ ଅର୍ଜୁନ କପୁର

Sep 24, 2019 - 08:10 Updated: Sep 24, 2019 - 08:10

6177

ବୋନି କପୁର ନିକଟରେ ଘୋଷଣା କରିଛନ୍ତି ସୁପରହିଟ୍ ତାମିଲ ଚଳଚ୍ଚିତ୍ର ‘କୋମାଲି’ର ହିନ୍ଦୀ ରିମେକରେ ତାଙ୍କ ପୁଅ ଅର୍ଜୁନ କପୁର ମୁଖ୍ୟ ଭୂମିକାରେ ଦେଖାଦେବେ । ଅର୍ଜୁନ ଯେତେବେଳେ କ୍ୟାରିୟର ଆରମ୍ଭ କରିଥିଲେ ବୋନି ତାଙ୍କୁ ସେଭଳି ସାହାଯ୍ୟ କରିପାରିନଥିଲେ । ଏ କଥା ପାଇଁ ତାଙ୍କ ମନରେ ଦୁଃଖ ଥିଲା । ବୋନିଙ୍କ ପ୍ରଥମ ପତ୍ନୀ ମୋନା କପୁରଙ୍କ ପୁଅ ହେଉଛନ୍ତି ଅର୍ଜୁନ ଓ ଝିଅ ଅଂଶୁଲା । ଦ୍ୱିତୀୟ ପତ୍ନୀ ଶ୍ରୀଦେବୀଙ୍କ ଦୁଇ ଝିଅ ଜାହ୍ନବୀ ଓ ଖୁସି । ବୋନି କହିଛନ୍ତି ଅର୍ଜୁନ ଜାହ୍ନବୀ ଓ ଖୁସି ତିନି ହେଁ ଚଳଚ୍ଚିତ୍ର ଜଗତରେ କ୍ୟାରିୟର କରିବେ ବୋଲି ସେ ବହୁ ପୂର୍ବରୁ ଜାଣିଥିଲେ । ବଡ଼ ଝିଅ ଅଂଶୁଭା କିନ୍ତୁ ଏ କ୍ଷେତ୍ର ପ୍ରତି କେବେ ହେଲେ ଆଗ୍ରହୀ ନଥିଲେ । ପାଠପଢ଼ାରେ ସବୁବେଳେ ଆଗୁଆ ଥିବା ଅଂଶୁଲା ଖୁବ୍ ଶୀଘ୍ର ନିଜର ଅନଲାଇନ ବ୍ୟବସାୟ ଆରମ୍ଭ କରିବେ । ଅର୍ଜୁନଙ୍କ ଏହି ଆଗାମୀ ଚଳଚ୍ଚିତ୍ରରେ କାମ ଡିସେମ୍ବର ପରେ ଆରମ୍ଭ ହେବାର ଯୋଜନା ରହିଛି । ଅର୍ଜୁନଙ୍କ ସହ କଳାକାର ଭାବେ ଏଥିରେ ଦୀପିକା ପାଦୁକୋନ କାମ କରିପାରନ୍ତି । ତାହା ଏଯାଏଁ ସ୍ପଷ୍ଟ ହୋଇନାହିଁ ।