ବସ୍ ସହ ଜଳିଗଲେ ଯୁବକ

Mar 14, 2019 - 06:29 Updated: Mar 14, 2019 - 06:29

3506

ଆନନ୍ଦପୁର: କେନ୍ଦୁଝର ଜିଲ୍ଲା ଘଟଗାଁ ଅଂଚଳରେ ଏକ ବରଯାତ୍ରୀ ବସଟି ଜଳି ଯାଇଛି । ବସ୍ ମଧ୍ୟରେ ଶୋଇଥିବା ଜଣେ ଯୁବକ ଜଳି ଯାଇଛି । ଘଟଣାରୁ ଜଣାପଡୁଛି ଯେ ବୁଧବାର ଦିନ ସାମନ୍ତରାପୁର ଗ୍ରାମରୁ ଏକ ବସ୍ ବରଯାତ୍ରୀକୁ ନେଇ କନ୍ୟା ଘରକୁ ଯାଇଥିଲା । ସେଠାରୁ ଘରକୁ ଫେରିବାବେଳ ସମସ୍ତ ବରଯାତ୍ରୀ ଗାଡିରୁ ଓହ୍ଳାଇଯାଇଥିଲେ । ବରଘର ସମ୍ମୁଖରେ ବସଟି ଛିଡା ହୋଇଥିବା ବେଳେ ବସ୍ ମଧ୍ୟରେ ଜଣେ ଯୁବକ ଶୋଇପଡିଥିଲେ । ତେବେ କୌଣସି କାରଣରୁ ବସରେ ନିଆଁ ଲାଗିଯାଇଥିଲା । ଫଳରେ ବସଟି ସମ୍ପୂର୍ଣ୍ଣ ଜଳିଯାଇଥିବା ବେଳେ ବସ୍ ଭିତରେ ଥିବା ଜଣେ ଯୁବକ ଜୀବନ୍ତ ଦଗ୍ଧ ହୋଇଯାଇଛନ୍ତି । ଖବର ପାଇ ଘଟଗାଁ ଅଗ୍ନିଶମ ବାହିନୀ ଘଟଣାସ୍ଥଳରେ ପହଂଚି ନିଆଁକୁ ଆୟତ କରିଛି । ପୋଲିସ ଘଟଣା ସ୍ଥଳରେ ପହଂଚି ତଦନ୍ତ ଆରମ୍ଭ କରିଛି ।