କୁଆଖାଇରେ ବୁଡି ମହିଳା କାଉଡିଆ ମୃତ

Aug 12, 2019 - 07:56 Updated: Aug 12, 2019 - 07:56

2985

ଭୁବନେଶ୍ୱର: ଆଜି ଶ୍ରାବଣ ମାସର ଶେଷ ସୋମବାର । ବିଭିନ୍ନ ଶୈବ ପୀଠରେ କାଉଡିଆଙ୍କର ଗହଳି ଲାଗି ରହିଛି । ସେମାନେ ନଦୀରୁ ଜଳ ଆଣି ମହାଦେବଙ୍କୁ ଅର୍ପଣ କରିଥାନ୍ତି । କିନ୍ତୁ ଭୁବନେଶ୍ୱର କୁଆଖାଇ ନଦୀରେ ବୁଡି ଜଣେ କାଉଡିଆ ପ୍ରାଣ ହରାଇଛନ୍ତି । ଝାରପଡା ଅଂଚଳର ଜଣେ ମହିଳା କାଉଡିଆ ଆଜି ନଦୀରୁ ପାଣି ଉଠାଇବାକୁ ଯାଇଥିଲେ । ସେ କେଶୁରା ଅଂଚଳ ଦେଇ ପ୍ରବାହିତ ହେଉଥିବା କୁଆଖାଇ ନଦୀରୁ ପାଣି ଉଠାଇବା ବେଳେ ତାଙ୍କର ଗୋଡ ଖସି ପଡିଥିଲା । ଫଳରେ ସେ ବୁଡି ଯାଇ ପ୍ରାଣ ହରାଇଥିଲେ । ମୃତ ମହିଳା ହେଲେ ବିନ୍ଦିଶ୍ରୀ ସାହୁ । ତେବେ ସ୍ଥାନୀୟ ଲୋକେ ଅଗ୍ନିଶମ ବାହିନୀର ସହଯୋଗରେ ବିନ୍ଦିଶ୍ରୀଙ୍କ ମୃତଦେହକୁ ଉଦ୍ଧାର କରିଛନ୍ତି । ଘଟଣାସ୍ଥଳରେ ପୋଲିସ ପହଁଚି ତଦନ୍ତ ଆରମ୍ଭ କରିଛି ।