ଫେସବୁକରେ ଅନୁଭବଙ୍କ ଭିଡିଓ, ଲଢ଼ିବାର ଅଛି ତ ମୋ ସହ ସିଧାସଳଖ ଲଢ଼
ଫେସବୁକରେ ଅନୁଭବଙ୍କ ଭିଡିଓ, ଲଢ଼ିବାର ଅଛି ତ ମୋ ସହ ସିଧାସଳଖ ଲଢ଼
admin
2041
କଟକ: ସାଂସଦ ତଥା ଅଭିନେତା ଅନୁଭବ ମହାନ୍ତି ଓ ତାଙ୍କ ପତ୍ନୀ ବର୍ଷା ପି୍ରୟନର୍ଶିନୀଙ୍କ ମଧ୍ୟରେ ଚାଲିଥିବା ବିବାଦ ପୁଣି ହାୱା ଧରିବାରେ ଲାଗିଛି । ବର୍ଷାଙ୍କ ପ୍ରତି ଅନୁଭବଙ୍କ ଫ୍ୟାନ କ୍ଲବ ଫେସବୁକ ପେଜରେ ଖରାପ ମନ୍ତବ୍ୟ ବିରୋଧରେ ସେ ପୁରୀଘାଟ ଥାନାର ଦ୍ୱାରସ୍ଥ ହେବା ପରେ ଜାଗୃତି ଶୁକ୍ଳା ଫେସବୁକରେ ବର୍ଷାଙ୍କୁ ଇଙ୍ଗିତ କରି ଅସନ୍ତୋଷ ଝାଡ଼ିଥିାଲେ । ପୁଣି ଅନୁଭବ ଏକ ଭିଡିଓ ପୋଷ୍ଟ କରି ପରୋକ୍ଷରେ ବର୍ଷାଙ୍କୁ ଟାର୍ଗେଟ କରିଛନ୍ତି । ଯଦି କେହି ତାଙ୍କର ପ୍ରଶଂସକଙ୍କୁ କ୍ଷତି ପହଞ୍ଚାଇବାକୁ ଚେଷ୍ଟା କରନ୍ତି, ତା ହେଲେ ସେ ଚୁପ ରହିବେନି । କାରଣ ଆଜି ପର୍ଯ୍ୟନ୍ତ ସେ ଚୁପ ରହିଥିବାରୁ ଏହାକୁ ତାଙ୍କର ଦୁର୍ବଳତା ବୋଲି ଭାବି ନେଇଛନ୍ତି । ହେଲେ ଏବେ ସେ ତାଙ୍କ ପ୍ରଶଂସକଙ୍କ ପାଇଁ ଆଗରେ ଛିଡ଼ା ହେବେ ବୋଲି ଅନୁଭବ ଉକ୍ତ ଭିଡିଓରେ ବାର୍ତ୍ତାରେ ଚେତାଇ ଦେଇଛନ୍ତି । ଅନୁଭବ ପୋଷ୍ଟ କରିଥିବା ଏହି ୬ ମିନିଟର ଭିଡିଧରେ କହିଛନ୍ତି ଯେ, କୌଣସି ମଣିଷ ପ୍ରତି ଯେ କେହି ବି ଖରାପ ବ୍ୟବହାର ଦେଖାଇବ ଆଦୌ ଗ୍ରହଣୀୟ ନୁହେଁ । ସମସ୍ତଙ୍କୁ ସମାନ ଅଧିକାର ଓ ସମ୍ମାନ ମିଳିବା ଉଚିତ । ଯାହାକୁ ଆମେ ଭଲ ପାଉ ତାଙ୍କୁ ହୃଦୟରେ ସାଇତି ରଖୁ । ତାଙ୍କର ଭଲ ମନ୍ଦ ସୁଖଦୁଃଖରେ ଆମେ ଛିଡା ହେଉ । ସେମିତି ତାଙ୍କର ଅଗଣିତ ପ୍ରଶଂସକମାନେ ହେଉଛନ୍ତି ତାଙ୍କର ପରିବାର । ଫ୍ୟାନମାନେ ତାଙ୍କ ପାଖରେ ପହଞ୍ଚିବା ପାଇଁ ସୋସିଆଲ ମିଡିଆର ସହାୟତା ନେଉଛନ୍ତି । ତେଣୁ ସେ ମଧ୍ୟ ତାଙ୍କ ସହ ମନର କଥା ଫ୍ୟାନମାନଙ୍କୁ ଜଣାଇବା ପାଇଁ ସୋସିଆଲ ମିଡିଆକୁ ବାଛିଛି ବୋଲି ଅନୁଭବ କହିଛନ୍ତି ।
