ଫେରିଗଲା ‘ସୁନ୍ଦରୀ’
ଫେରିଗଲା ‘ସୁନ୍ଦରୀ’
admin
6611
ବନ୍ତଳା: ସାତକୋଶିଆ ଅଭୟାରଣ୍ୟର ଏନ୍କ୍ଳୋଜରରେ ବାଘୁଣୀ ‘ସୁନ୍ଦରୀ’କୁ ମଙ୍ଗଳବାର ସାଢ଼େ ୩ଟା ବେଳେ ଟ୍ରାଙ୍କୁଲାଇଜିଂ କରି ଧରିବା ପରେ ମଧ୍ୟପ୍ରଦେଶର କାହ୍ନା ଜାତୀୟ ବ୍ୟାଘ୍ର ପ୍ରକଳ୍ପକୁ ସ୍ଥାନାନ୍ତର କରାଯାଇଛି। ଗତକାଲି ଅପରାହ୍ନ ୩.୩୦ ସମୟରେ ପୂର୍ବ ପ୍ରସ୍ତୁତ ହୋଇଥିବା ସ୍ବତନ୍ତ୍ର ଦଳ ବାଘୁଣୀକୁ ଟ୍ରାଙ୍କୁଲାଇଜ କରିଥିଲେ। ଟ୍ରାଙ୍କୁଲାଇଜ ପରେ ବାଘୁଣୀ ସୁନ୍ଦରୀ ମଧ୍ୟପ୍ରଦେଶରୁ ଆସିଥିବା ସ୍ୱତନ୍ତ୍ର ଯନ୍ତା ମଧ୍ୟକୁ ଅଣାଯାଇଥିଲା। ନିସ୍ତେଜ ହୋଇଥିବା ବାଘୁଣୀକୁ ପାଣି ମରାଯାଇ ଚେତା ଅଣା ଯାଇଥିଲା। ଅନ୍ୟପକ୍ଷେ ବାଘୁଣୀକୁ ନେଇ ଏହି ଟିମ ସାତକୋଶିଆର ରାଇଗୁଡାରୁ ସନ୍ଧ୍ୟା୬ଟାବେଳକୁ ବାହାରିଥିଲେ।
ରାଇଗୁଡାରୁ ଗୟଲମରା, ପୁରୁଣାଗେଟ, ବ୍ରାହ୍ମଣୀ ଗାଁ ଓ ନୂଆଗଡ଼ ହୋଇ ହିନ୍ଦୋଳରେ ପହଞ୍ଚିଥିଲେ। ମହିଧରପୁରରୁ ବଡକେରା ଦେଇ ଏହି ଦଳ ମଧ୍ୟପ୍ରଦେଶ ଅଭିମୁଖେ ବାହାରିଥିଲେ। ବାଘୁଣି ସହ ସାତକୋଶିଆ ବନ୍ୟପ୍ରାଣୀ ବନଖଣ୍ଡର ଏସିଏଫଓ ସରୋଜ ପଣ୍ଡା, ପ୍ରାଣୀଡାକ୍ତର କିଶୋର ସାହୁ ମଧ୍ୟ ଯାଇଥିବା ସୂଚନା ମିଳିଛି। ଏହି ଦଳ ବୁଧବାର ସକାଳେ ମଧ୍ୟପ୍ରଦେଶ ଅଭିମୁଖେ ଯାତ୍ରା କରିବେ ବୋଲି ସାତକୋଶିଆ ବ୍ୟାଘ୍ର ପ୍ରକଳ୍ପର କ୍ଷେତ୍ର ନିର୍ଦେଶକ ପ୍ରଦୀପରାଜ କରାଟେ ସୂଚନା ଦେଇଛନ୍ତି।
