ପାକିସ୍ତାନ ବିଶ୍ୱକପ ଦଳରେ ଅମୀର ସାମିଲ
ପାକିସ୍ତାନ ବିଶ୍ୱକପ ଦଳରେ ଅମୀର ସାମିଲ
admin
6435
କରାଚି: ଅଭିଜ୍ଞ ବାମହାତୀ ଦ୍ରୁତ ବୋଲର ମହମ୍ମଦ ଆମୀର ଶେଷରେ ପାକିସ୍ତାନ ବିଶ୍ୱକପ ଦଳରେ ସାମିଲ ହୋଇଛନ୍ତି । ଚଳିତ ଇଂଲଣ୍ଡ ଗସ୍ତରେ ଏକମାତ୍ର ୨୦-୨୦ ଆନ୍ତର୍ଜାତିକ ମ୍ୟାଚ ସାଙ୍କକୁ ଦୁଇଟି ଦିନିକିଆ ଆନ୍ତର୍ଜାତିକ ମ୍ୟାଚରେ ତାଙ୍କର ଦମଦାର ପ୍ରଦର୍ଶନ ମନୋନୟନକର୍ତାଙ୍କୁ ପ୍ରଭାବିତ କରିଛି । ଖରାପ ଫର୍ମ ପାଇଁ ଆମୀରଙ୍କ ଉପରୁ ପିସିବି ଆସ୍ଥା ତୁଟାଇ ବିଶ୍ୱକପ ଦଳରୁ ବାଦ ଦେଇଥିଲା । ହେଲେ ଏବେ ମତ ବଦଳାଇଛି । ବିଶେଷକରି ଅଧିନାୟକ ସର୍ଫରାଜ ଅହମ୍ମଦ ଏବଂ ମୁଖ୍ୟ ପ୍ରଶକ୍ଷିକ ମିକି ଆର୍ଥର ମଧ୍ୟ ଆମୀରଙ୍କ ସାମିଲକୁ ନେଇ ସନ୍ତୋଷ ବ୍ୟକ୍ତ କରିଛନ୍ତି । ହେଲେ ଆମୀର ହାଡଫୁଟିରେ ଆକ୍ରାନ୍ତ ଥିବାରୁ ସେ ଠିକ ସମୟରେ ସୁସ୍ଥ ହୋଇପାରିବେ କି ନାହିଁ ପ୍ରଥମେ ଦେଖିବା ଦରକାର ବୋଲି ମୁଖ୍ୟ ଚୟନକର୍ତା ଇଞ୍ଜାମମ ଉଲ ହକ କହିଛନ୍ତି । ଏହି ଦୃଷ୍ଟିରୁ ଦଳୀୟ କର୍ତୃପକ୍ଷ ଓ ଇଞ୍ଜାମମ ପ୍ରଥମେ ଆମୀରଙ୍କ ଡାକ୍ତରୀ ସୁସ୍ଥତା ସଂପର୍କରେ ସ୍ପଷ୍ଟ କରିବେ ତେବେ ବିଶ୍ୱକପ ଦଳରେ ତାଙ୍କୁ ନେବାକୁ କିଛି ଅସୁବିଧା ନାହିଁ ବୋଲି ଦଳୀୟ କର୍ତୃପକ୍ଷ ଓ ଇଞ୍ଜାମମ କହିଛନ୍ତି ।
