ପାକିସ୍ତାନରେ କ୍ରିକେଟ ମ୍ୟାଚ୍ ସମୟରେ ଆତଙ୍କବାଦୀଙ୍କ ଗୁଳିକାଣ୍ଡ
ପାକିସ୍ତାନରେ କ୍ରିକେଟ ମ୍ୟାଚ୍ ସମୟରେ ଆତଙ୍କବାଦୀଙ୍କ ଗୁଳିକାଣ୍ଡ
admin
2798
କରାଚୀ : ପାକିସ୍ତାନରେ ଏକ କ୍ରିକେଟ ମ୍ୟାଚ୍ ଚାଲିଥିବା ବେଳେ ଆତଙ୍କବାଦୀଙ୍କ ପକ୍ଷରୁ ଭୟଙ୍କର ଗୁଳିମାଡ କରାଯାଇଛି । ଏହି ଗୁଳିମାଡରେ କେହି ମୃତାହତ ହୋଇନଥିଲେ ମଧ୍ୟ ଏହା ପାକିସ୍ତାନର ଚେହେରା ପଦାରେ ପକାଇଛି । ସୁରକ୍ଷାଗତ କାରଣରୁ କୌଣସି ଟିମ୍ ପାକିସ୍ତାନ ଆସୁନଥିବା ବେଳେ ନିକଟରେ ଶ୍ରୀଲଙ୍କା, ବାଂଲାଦେଶ ଏବଂ ୱେଷ୍ଟ ଇଣ୍ଡିଜ୍ ପାକ୍ ଗସ୍ତ କରିଥିଲେ । ଏହା ସହିତ ଆସନ୍ତା ମାସରେ ଇଂଲଣ୍ଡକୁ ଏକ ଦ୍ୱିପାକ୍ଷିକ ସିରିଜ୍ ନିମନ୍ତେ ଆମନ୍ତ୍ରଣ କରାଯାଇଥିଲା । ତେବେ ଆଜିର ଘଟଣା ପରେ ଇଂଲଣ୍ଡର ଆସିବା ସମ୍ଭାବନା କ୍ଷୀଣ ଲାଗୁଛି ।
ଶୁକ୍ରବାର ପାକିସ୍ତାର ଖାଇବର ପଖତୁନବା ପ୍ରଦେଶ ଅନ୍ତର୍ଗତ କୋହାଟରେ ଏକ କ୍ରିକେଟ ମ୍ୟାଚ୍ ଖେଳାଯାଉଥିବା ସମୟରେ ଏହି କାଣ୍ଡ ଘଟିଥିଲା । ଓର୍କାଜାଦି ଜିଲ୍ଲାରେ ଏଏମଏନ୍ ଟୁର୍ଣ୍ଣାମେଣ୍ଟର ଫାଇନାଲ୍ ମ୍ୟାଚ୍ ଅବସରରେ ନିକଟସ୍ଥ ପାହାଡ ଉପରୁ ଆତଙ୍କୀ ମାନେ ଅନ୍ଧାଧୁନିଆ ଗୁଳି ଚଳାଇଥିଲେ । ଷ୍ଟାଡିୟମରେ ଉପସ୍ଥିତ ସମସ୍ତ ଦର୍ଶକ ପ୍ରାଣ ବଞ୍ଚାଇ ଦୌଡିଥିବା ବେଳେ ସୌଭାଗ୍ୟବଶତଃ କେହି ମୃତାହତ ହୋଇନଥିଲେ । ଏହି ଘଟଣା ପରେ ମ୍ୟାଚକୁ ବନ୍ଦ କରାଯାଇଥିବା ବେଳେ ପୋଲିସ୍ ପକ୍ଷରୁ ତଦନ୍ତ ଜାରି କରାଯାଇଛି ।
