ପଶ୍ଚିମବଙ୍ଗରେ ୪ ଜଣଙ୍କ ମୃତୁ୍ୟ ପାଇଁ ଦିଦି ଦାୟୀ : ଅମିତ ଶାହ
ପଶ୍ଚିମବଙ୍ଗରେ ୪ ଜଣଙ୍କ ମୃତୁ୍ୟ ପାଇଁ ଦିଦି ଦାୟୀ : ଅମିତ ଶାହ
admin
2390
କୋଲକାତା: ପଶ୍ଚିମବଙ୍ଗରେ ୫ମ ପର୍ଯ୍ୟାୟ ବିଧାନସଭା ନିର୍ବାଚନ ଉପଲକ୍ଷେ ସ୍ୱରାଷ୍ଟ୍ରମନ୍ତ୍ରୀ ଅମିତ ଶାହ ସୋମବାର ଧୂପଗୁରିରେ ନିର୍ବାଚନୀ ରାଲି କରିଛନ୍ତି । ସେଠାରେ ସେ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ବିରୋଧରେ ଗୁରୁତର ଅଭିଯୋଗ ଆଣିଛନ୍ତି । କହିଛନ୍ତି, ରାଜ୍ୟରେ ଚତୁର୍ଥ ପର୍ଯ୍ୟାୟ ବିଧାନସଭା ନିର୍ବାଚନ ଚାଲିଥିବା ବେଳେ ଦିଦି ଲୋକଙ୍କୁ ସିଆରପିଏଫକୁ ଘେରି ଲୁଟି ନେବାକୁ ଉସକାଉଥିଲେ । ଲୋକେ ତାଙ୍କ କଥା ଶୁଣି ସୁରକ୍ଷାକର୍ମୀଙ୍କ ଅସ୍ତ୍ରଶସ୍ତ୍ର ଛଡ଼ାଇବା ଆରମ୍ଭ କଲେ । ଆତ୍ମରକ୍ଷା ପାଇଁ ସେମାନଙ୍କ ପକ୍ଷରୁ ଗୁଳିମାଡ଼ କରାଯିବାରୁ ୪ ଜଣଙ୍କର ମୃତୁ୍ୟ ହେଲା । ଯଦି ମମତା ଲୋକଙ୍କୁ ଏହା କରିବାକୁ କହିନଥାନ୍ତେ ତା’ହେଲେ ସେମାନେ ବଞ୍ଚିଥାନ୍ତେ । ତେଣୁ ସେହି ୪ ଜଣଙ୍କ ମୃତୁ୍ୟ ପାଇଁ ଦିଦି ଦାୟୀ । ଅନ୍ୟପଟେ ଟିଏମସିର ଗୁଣ୍ଡାଙ୍କ ଦ୍ୱାରା ଗୁଳିମାଡ଼ର ଶିକାର ହୋଇଥିବା ଆନନ୍ଦ ବର୍ମନଙ୍କ କଥା ଦିଦି ଉଠାଉନାହାନ୍ତି ବୋଲି ସେ ଦର୍ଶାଇଛନ୍ତି । ପୂର୍ବରୁ ଶାହ କାଲିମ୍ପଙ୍ଗରେ ଏକ ରୋଡ ସୋ’କରିଥିଲେ । ସେଠାରେ ଜନତାଙ୍କ ଉଦେ୍ଧଶ୍ୟରେ ସେ କହିଥିଲେ, ‘ମମତା ଦିଦି ରାଜ୍ୟବାସୀଙ୍କ ହିତ ଅପେକ୍ଷା ମୋ’କଥା ଅଧିକ ରହୁଛନ୍ତି । ମୋତେ ଇସ୍ତଫା ଦେବାକୁ କୁହାଯାଉଛି । ରାଜ୍ୟବାସୀ ମୋତେ ଯେଉଁ ଦିନ କହିବେ ସେଦିନ ମୁଁ ଇସ୍ତଫା ଦେବି । କିନ୍ତୁ ଆପଣ ମେ ୨ରେ ଇସ୍ତଫା ଦେବାକୁ ପ୍ରସ୍ତୁତ ହୋଇଯାନ୍ତୁ । ଦିଦି ଭାବୁଛନ୍ତି, କେବଳ ବିଜେପି ତାଙ୍କୁ ବିରୋଧ କରୁଛି । ପ୍ରକୃତରେ କିନ୍ତୁ ଏଠାକାର ମା’ଭଉଣୀ, ଗୋର୍ଖା ସମ୍ପ୍ରଦାୟ, ଚା’ଶ୍ରମିକ ଓ ଚାଷୀ ବି ତାଙ୍କୁ ବିରୋଧ କରୁଛନ୍ତି ।’
