ପୂର୍ବ ଶତ୍ରୁତାକୁ କେନ୍ଦ୍ର କରି ୱାର୍ଡ ସଭ୍ୟଙ୍କୁ ଆକ୍ରମଣ
admin
ସୋରୋ : ପୂର୍ବ ଶତ୍ରୁତାକୁ କେନ୍ଦ୍ର କରି ୱାର୍ଡ ସଭ୍ୟଙ୍କୁ ଗୋଡାଇ ଗୋଡାଇ ଆକ୍ରମଣ। ବାଇକ୍ ପୋଡିଦେଲେ ଦୃର୍ବୃତ୍ତ। ଗୁରୁତର ଅବସ୍ଥାରେ ୱାର୍ଡ ସଭ୍ୟ ମେଡିକାଲରେ ଭର୍ତ୍ତି। ଖଇରା ବ୍ଲକ ଡ଼ାଲଙ୍ଗ ଗ୍ରାମର ୬ ନଂ ୱାର୍ଡ ସଭ୍ୟ ଦୀପକ ପାଣିଗ୍ରାହୀ ଏକ ସମାଧାନ ବୈଠକ ସାରି ଜଳଦା ପଞ୍ଚାୟତ ସମ୍ପେଇ ଗ୍ରାମରେ ଘରକୁ ଫେରୁଥିଲେ। ଏତିକି ବେଳେ ତୁଟ ମୁନିପଦା ଠାରେ ୭ରୁ ଉର୍ଦ୍ଧ୍ଵ ଯୁବକ ମୁଁହରେ ଲୁଗା ବାନ୍ଧି ଭୁଜାଲି ଓ ପାଇପରେ ଆକ୍ରମଣ କରିଥିଲେ। ଦୀପକ ଜୀବନ ବିକଳରେ ଦୌଡ଼ିଥିବା ବେଳେ ଦୃର୍ବୃତ୍ତମାନେ ଗୋଡ଼ାଇ ଗୋଡ଼ାଇ ଆକ୍ରମଣ କରି ତାଙ୍କ ବାଇକଟିକୁ ପୋଡି ଫେରାର ହୋଇଯାଇଥିଲେ।ଚିତ୍କାର ଶୁଣି ନିକଟସ୍ଥ ଲୋକମାନେ ଗୁରୁତର ଅବସ୍ଥାରେ ଦୀପକକୁ ଖଇରା ମେଡିକାଲରେ ଭର୍ତ୍ତି କରିଛନ୍ତି। ଆକ୍ରମଣରେ ଦୀପକଙ୍କର ବିଭିନ୍ନ ସ୍ଥାନରେ କ୍ଷତ ଚିହ୍ନ ଥିବା ନେଇ ଦେଖିବାକୁ ମିଳିଛି। କିଛି ଦିନ ତଳେ ତୁଡ଼ିଗଡିଆ ବଜାରରେ ଗଣ୍ଡଗୋଳକୁ ନେଇ ତୁଟ ଗ୍ରାମର କିଛି ଯୁବକ ସହିତ ଦୀପକଙ୍କର ମନାନ୍ତର ହୋଇଥିଲା। ସେହି ଘଟଣାକୁ ନେଇ ଦୀପକକୁ ଆକ୍ରମଣ ହୋଇଥିବା ନେଇ ସନ୍ଦେହ କରାଯାଉଛି ।
