ନୂତନ କର ବ୍ୟବସ୍ଥାର ଶୁଭାରମ୍ଭ କଲେ ମୋଦି : ସଚ୍ଚୋଟ କରଦାତାଙ୍କୁ ପୁରସ୍କାର
ନୂତନ କର ବ୍ୟବସ୍ଥାର ଶୁଭାରମ୍ଭ କଲେ ମୋଦି : ସଚ୍ଚୋଟ କରଦାତାଙ୍କୁ ପୁରସ୍କାର
admin
1999
ନୂଆଦିିଲ୍ଲୀ : ଦେଶରେ ନୂତନ ଆୟକର ବ୍ୟବସ୍ଥାର ଶୁଭାରମ୍ଭ ନିମନ୍ତେ ଘୋଷଣା କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଆଜି ଦିନ ୧୧ଟା ସମୟରେ ପ୍ରଧାନମନ୍ତ୍ରୀ ଏହି ବ୍ୟବସ୍ଥାର ଲଞ୍ଚ କରିଛନ୍ତି । ଏହା ଦ୍ୱାରା ସଚ୍ଚୋଟ ଟିକସଦାତାଙ୍କୁ ପୁରସ୍କୃତ କରାଯିବା ସହିତ ସିଧାସଳଖ ଆୟକର ବ୍ୟସ୍ଥାର ସରଳୀକରଣ କରାଯିବ । ଏହି ନୂତନ ଆୟକର ବ୍ୟବସ୍ଥା ଅନୁଯାୟୀ ୫ ଲକ୍ଷ ପର୍ଯ୍ୟନ୍ତ ଆୟ ଉପରେ କୌଣସି ଆୟକର ପ୍ରଦାନ କରିବାକୁ ପଡିବ ନାହିଁ । ସେହିପରି ଅନ୍ୟ ସମସ୍ତ ଆୟକର ସ୍ଲାବରେ ମଧ୍ୟ ଆୟକର ହ୍ରାସ କରାଯାଇଛି । ଏହି ନୂତନ ବ୍ୟବସ୍ଥା ଲାଗୁ କରାଯିବା ପରେ ଭାରତ କର୍ପୋରେଟ୍ ଟିକସରେ ସର୍ବନିମ୍ନ ଟିକସ ଆଦାୟ କରୁଥିବା ଦେଶ ହୋଇଛି । ଜଟିଳ ବ୍ୟବସ୍ଥାରୁ ଜଟିଳ ପରସ୍ଥିତି ସୃଷ୍ଟି ହୋଇଥାଏ ତେଣୁ ସରକାର ଆଇନକୁ ସମ୍ପୂର୍ଣ୍ଣ ସ୍ୱଚ୍ଛ କରିବାକୁ ଚାହୁଁଛନ୍ତି । ଏହାଦ୍ୱାରା କରଦାତା ଖୁସିରେ ରହିବେ ଏବଂ ପରୋକ୍ଷରେ ଦେଶ ମଧ୍ୟ ଅଗ୍ରଗତି କରିବ । ଏହି ଆଇନକୁ ପ୍ରଣୟନ କରିବା ପାଇଁ ଅନେକ ଦିନରୁ ପ୍ରୟାସ ଆରମ୍ଭ କରାଯାଇଛି ଫଳରେ ଏକାଧିକ କର ବ୍ୟବସ୍ଥାକୁ ହଟାଇ ଜିଏସଟି ଲାଗୁ କରାଯାଇଛି । ପରାଧୀନ ଭାରତରୁ ଆୟକର ବ୍ୟବସ୍ଥା ରହିଛି । ଏଥିରେ ସମୟ ସମୟରେ ପରିବର୍ତ୍ତନ ହୋଇଛି ମାତ୍ର ତାହା ଯଥେଷ୍ଟ ନୁହେଁ ବୋଲି ପ୍ରଧାନମନ୍ତ୍ରୀ ମତ ଦେଇଛନ୍ତି । ଏହା ସହିତ ମୋଦି ି ଫେସଲେସ୍ ଆସେସମେଣ୍ଟ, ଫେସଲେସ୍ ଅପିଲ୍ ଏବଂ ଟ୍ୟାକ୍ସପେୟର ଚାର୍ଟର ନାମକ ସେବାର ଆରମ୍ଭ କରିଛନ୍ତି । ଆଜିଠାରୁ ଏହି ସେବା ଆରମ୍ଭ ହୋଇଥିବା ବେଳେ ଫେସଲେସ୍ ଅପିଲ୍ ସେବା ସେପ୍ଟେମ୍ବର ୨୫ରୁ ବିଦ୍ଧିବଦ୍ଧ ଭାବରେ ଲାଗୁ କରାଯିବ ।
