ନିଜ ଜିଦରେ ଅଟଳ ଅଛନ୍ତି ମମତା ବାନାର୍ଜୀ
ନିଜ ଜିଦରେ ଅଟଳ ଅଛନ୍ତି ମମତା ବାନାର୍ଜୀ
admin
2549
ଭୁବନେଶ୍ୱର : ନିଜ ଜିଦରେ ଅଟଳ ଅଛନ୍ତି ମମତା ବାନାର୍ଜୀ । ସେ ଚଳିତ ପଶ୍ଚିମବଙ୍ଗ ବିଧାନସଭା ନିର୍ବାଚନରେ ନନ୍ଦିଗ୍ରାମରୁ ଲଢ଼ିବାକୁ ନିଷ୍ପତି ନେଇଛନ୍ତି । ଏକଦା ତାଙ୍କର ଏକାନ୍ତ ଅନୁଗତ ଥିବା ଶୁଭେନ୍ଦୁ ଅଧିକାରୀ ଏବେ ବିଜେପି ଶିବିରରେ ଥିବାବେଳେ ତାଙ୍କୁ ଟକ୍କର ଦେବାକୁ ସେ ଅଂଟା ଭିଡ଼ିଛନ୍ତି । ପୂର୍ବରୁ ମମତା ଏନେଇ ଘୋଷଣା କରିଥିବାବେଳେ ତାଙ୍କୁ ୫୦ ହଜାର ଭୋଟରେ ହରେଇବି ବୋଲି ଶୁଭେନ୍ଦୁ ଅଧିକାରୀ ବି ଖୋଲା ଚାଲେଞ୍ଜ ଦେଇଥିଲେ ।
ଅପରପକ୍ଷରେ ବିଜେପି ମଧ୍ୟ ପ୍ରାର୍ଥୀ ପାଇଁ ଅଙ୍କ କଷା ଆରମ୍ଭ କରିଦେଇଛନ୍ତି । ବେଙ୍ଗଲ ବିଜେପି ପକ୍ଷରୁ ଶୁଭେନ୍ଦୁଙ୍କ ନାମ ନନ୍ଦୀଗ୍ରାମ ପାଇଁ ସୁପାରିଶ କରାଯାଇଥିବାବେଳେ ତାଙ୍କୁ ହିଁ ଟିକେଟ ମିଳିବ ବୋଲି କୁହାଯାଉଛି । ବିଜେପି ସଭାପତି ଦିଲୀପ ଘୋଷ ନନ୍ଦିଗ୍ରାମ ପାଇଁ ଶୁଭେନ୍ଦୁଙ୍କୁ ଟିକେଟ ଦେବା ନିମନ୍ତେ ବିଜେପି କେନ୍ଦ୍ରୀୟ ନିର୍ବାଚନ କମିଟି ନିକଟରେ ଦାବି ଉପସ୍ଥାପନ କରିବେ । ସମ୍ଭବତଃ ଆଜି ହିଁ ଏନେଇ ନିଷ୍ପତି ନିଆଯିବାର ସମ୍ଭାବନା ରହିଛି ।
ଅପରପକ୍ଷରେ ଏନେଇ ଶୁଭେନ୍ଦୁ କହିଛନ୍ତିଯେ, ଯଦି ବିଜେପି ତାଙ୍କୁ ଟିକେଟ ଦିଏ ତେବେ ସେ ମମତାଙ୍କୁ ହରାଇଦେବେ । ଏମିତିକି ସେଠାରୁ ଦଳ ଅନ୍ୟ କାହାରିକୁ ପ୍ରାର୍ଥୀ କଲେବି ସେ ମମତାଙ୍କୁ ହରାଇବାପାଇଁ ପ୍ରୟାସ କରିବେ ବୋଲି କହିଛନ୍ତି ।
