ଦୀର୍ଘ ୧୨୧ ବର୍ଷ ପରେ ଗତ ମାର୍ଚ୍ଚ ଦେଶର ତୃତୀୟ ସର୍ବାଧିକ ଉତ୍ତପ୍ତ ମାସ

Apr 7, 2021 - 10:41 Updated: Apr 7, 2021 - 10:41

2768

ନୂଆଦିଲ୍ଲୀ: ଦୀର୍ଘ ୧୨୧ ବର୍ଷ ପରେ ଗତ ମାର୍ଚ୍ଚ ଦେଶର ତୃତୀୟ ସର୍ବାଧିକ ଉତ୍ତପ୍ତ ମାସ ଭାବେ ପରିଗଣିତ ହୋଇଛି । ମାର୍ଚ୍ଚରେ ଦେଶର ଅନେକ ରାଜ୍ୟରେ ତାପମାତ୍ରା ୪୦ ଡିଗ୍ରୀ ସେଲସିୟସ ଉପରେ ରହିଥିଲା । ଭାରତୀୟ ପାଣିପାଗ ବିଭାଗ (ଆଇଏମଡି) ଅନୁସାରେ ଗୋଟିଏ ମାସରେ ସର୍ବାଧିକ, ସର୍ବନିମ୍ନ ଓ ସ୍ୱାଭାବିକ ତାପମାତ୍ରା ଆଦି କ୍ଷେତ୍ରରେ ୨୦୨୧ ମାର୍ଚ୍ଚ ଉତ୍ତପ୍ତ ମାସ ହୋଇଛି । ମାର୍ଚ୍ଚରେ ସର୍ବାଧିକ ହାରାହାରି ତାପମାତ୍ରା ୩୨.୬୫ ଡିଗ୍ରୀ ସେଲସିୟସ ରହିଥିଲା ବେଳେ ସର୍ବନିମ୍ନ ୧୯.୯୫ ଓ ସ୍ୱାଭାବିକ ୨୬.୩୦ ଡିଗ୍ରୀ ସେଲସିୟସ ରହିଥିଲା । କିନ୍ତୁ ଏହି ସମୟରେ ଦେଶରେ ସର୍ବାଧିକ ହାରାହାରି ତାପମାତ୍ରା ୩୧.୨୪, ସର୍ବନିମ୍ନ ୧୮.୮୭ ଓ ସ୍ୱାଭାବିକ ତାପମାତ୍ରା ୨୫.୦୬ ଡିଗ୍ରୀ ସେଲସିୟସ ରହିବା କଥା । ୧୯୮୧ ରୁ ୨୦୧୦ ମଧ୍ୟରେ ଜଳବାୟୁ ବିଜ୍ଞାନକୁ ଆଧାର କରି ଏହା କୁହାଯାଇଛି ।