ଦିଲ୍ଲୀ ବିସ୍ଫୋରଣ ସ୍ଥଳରୁ ମିଳିଲା ଲଫାପା
ଦିଲ୍ଲୀ ବିସ୍ଫୋରଣ ସ୍ଥଳରୁ ମିଳିଲା ଲଫାପା
admin
4392
ନୂଆଦିଲ୍ଲୀ: ଦିଲ୍ଲୀରେ ଇସ୍ରାଏଲ ଦୂତାବାସ ନିକଟରେ ବିସ୍ଫୋରଣ ଘଟଣା । ବିସ୍ଫୋରଣ ସ୍ଥଳ ନିକଟରୁ ଏକ ଲଫାପା ମିଳିଛି । ଲଫାପାଟି ଇସ୍ରାଏଲ ରାଷ୍ଟ୍ରଦୂତଙ୍କ ନାଁରେ ଆସିଥିବା ସୂଚନା ମିଳୁଛି । ଯାଂଚ ସମୟରେ ଏହି ଲଫାପା ମିଳିଛି । ମିଳିଥିବା ଲଫାପାକୁ ଫରେନସିକ ଟିମକୁ ଦିଆଯାଇଛି ।
ସୂଚନାଯୋଗ୍ୟ ଯେ, ଦିଲ୍ଲୀର କଡ଼ା ନିରାପତ୍ତା ଜୋନ୍ ଲୁଟିୟେନ୍ସ୍ରେ ଅବସ୍ଥିତ ଏହି ଦୂତାବାସ ନିକଟରେ ଘଟିଥିବା ବିସ୍ଫୋରଣ ଯୋଗୁଁ କେତେକ କାର୍ ନଷ୍ଟ ହୋଇଯାଇଛି । ଗତକାଲି ସଂଧ୍ୟାରେ ହୋଇଥିବା ଏହି ବିସ୍ଫୋରଣରେ ରାସ୍ତାକଡ଼ରେ ଥିବା ୩ରୁ ୪ଟି କାରର କାଚ ଭାଙ୍ଗିଛି । ବିଜୟଚୌକରେ ଧ୍ୱଜାବତରଣ ଉତ୍ସବ ଚାଲିଥିବା ବେଳେ ମାତ୍ର ୨ କିଲୋମିଟର ଦୂରରେ ଏହି ବିସ୍ଫୋରଣ ହୋଇଥିଲା ।
ସେପଟେ ବିସ୍ଫୋରଣ ପରେ ଦିଲ୍ଲୀ ସମେତ ଦେଶର ସମସ୍ତ ଗୁରୁତ୍ୱପୂର୍ଣ୍ଣ ବିମାନବନ୍ଦର, ରେଳ ଷ୍ଟେସନରେ ସୁରକ୍ଷା ବ୍ୟବସ୍ଥା କଡ଼ାକଡ଼ି କରାଯାଇଛି। ମୁମ୍ବାଇର ସିଏସଟିରେ ବ୍ୟାପକ ସୁରକ୍ଷାକର୍ମୀ ମୁତୟନ ହୋଇଛନ୍ତି। ଏହାଛଡ଼ା ହରିଦ୍ୱାରରେ ମହାକୁମ୍ଭ ହେବାକୁ ଯାଉଥିବାରୁ ଉତ୍ତରାଖଣ୍ଡର ୪ଟି ଜିଲ୍ଲାକୁ ହାଇଆଲର୍ଟରେ ରଖାଯାଇଛି। ସେପଟେ ବିସ୍ଫୋରଣର ତଦନ୍ତ ତୁରନ୍ତ ସାରିବାକୁ ନିର୍ଦ୍ଦେଶ ଦେଇଛନ୍ତି କେନ୍ଦ୍ର ଗୃହମନ୍ତ୍ରୀ ଅମିତ ଶାହ।
