ଟାଟାରେ ଚାକିରି କରୁନଥିବା ନେଇ ମାନିଲା ଆକାଶ ପାଠକ
ଟାଟାରେ ଚାକିରି କରୁନଥିବା ନେଇ ମାନିଲା ଆକାଶ ପାଠକ
admin
6452
ଭୁବନେଶ୍ୱର: ଭିଜିଲାନ୍ସ ପରେ କ୍ରାଇମବ୍ରାଞ୍ଚ ଆଗରେ ସତ ଉଗାରିଛି ଟାଟା ମୋଟର୍ସରେ ଚାକିରି ନାଁରେ ଠକେଇ ମାମଲାର ମୁଖ୍ୟ ଅଭିଯୁକ୍ତ ଆକାଶ ପାଠକ । ସେ ଟାଟା ମୋର୍ଟସର କର୍ମଚାରୀ ନଥିଲ ବୋଲି ତଦନ୍ତକାରୀ ଟିମ ଆଗରେ କହିଛି । ନକଲି ଅଫିସ ଖୋଲି ଚାକିରି ନାଁରେ ଲକ୍ଷ ଲକ୍ଷ ଟଙ୍କା ଠକେଇ କରିବା ମୂଳ ଲକ୍ଷ୍ୟ ଥିଲା ବୋଲି କ୍ରାଇମବ୍ରାଞ୍ଚ ଜାଣିବାକୁ ପାଇଛି । ଏହି ଠକେଇ ସିଣ୍ଡିକେଟରେ ଆକାଶଙ୍କ ଭାବୀ ଶ୍ୱଶୁର ତଥା ଗୋପାଳପୁର ବିଧାୟକ ପ୍ରଦୀପ ପାଣିଗ୍ରାହୀ ପରବର୍ତ୍ତୀ ସମୟରେ ଯୋଡ଼ି ହୋଇଥିଲେ । ଏହା ପରେ ପ୍ରଦୀପଙ୍କ ଅତ୍ୟନ୍ତ ଘନିଷ୍ଠ ସହଯୋଗି ପୂର୍ବତନ କଲେଜ ଅଧ୍ୟକ୍ଷ ଭି.ସର୍ବେଶ୍ୱର ରାଓ ସାମିଲ ହୋଇଥିଲେ । ଠକେଇ ସଂକ୍ରାନ୍ତରେ କ୍ରାଇମବ୍ରାଞ୍ଚ ହାତରେ ଅନେକ ତଥ୍ୟ ଲାଗିଛି । କିନ୍ତୁ ତଦନ୍ତ ସେଭଳି ଭାବେ ଆଗକୁ ବଢ଼ିପାରୁନାହିଁ । ବ୍ରହ୍ମପୁରାରେ ଏକ ଟିମ ଛାନଭିନ ଜାରି ରଖିଥିବା ବେଳେ ସର୍ବେଶ୍ୱରଙ୍କର ପତ୍ତା ମିଳୁନି । ଗତ ୧୧ ତାରିଖରେ କ୍ରାଇମବ୍ରାଞ୍ଚ ଆକାଶଙ୍କୁ ୫ ଦିନିଆ ରିମାଣ୍ଡରେ ଆଣିଥିବା ବେଳେ ଆଜି ତାଙ୍କର ଅବଧି ଶେଷ ହେଉଛି । ବୁଧବାର ତାଙ୍କୁ କୋର୍ଟ ଚାଲାଣ କରାଯିବ ବୋଲି ଜଣାପଡ଼ିଛି ।
