ଜିଏସ୍ଟିର ସରଳୀକରଣ ନେଇ ୧୨ ଘଣ୍ଟିଆ ଭାରତ ବନ୍ଦ ଡାକରା
ଜିଏସ୍ଟିର ସରଳୀକରଣ ନେଇ ୧୨ ଘଣ୍ଟିଆ ଭାରତ ବନ୍ଦ ଡାକରା
admin
4534
ଭୁବନେଶ୍ୱର: ସର୍ବଭାରତୀୟ ବ୍ୟବସାୟୀ ମହାସଂଘ (ସିଏଆଇଟି) ପକ୍ଷରୁ ଆଜି ୧୨ ଘଣ୍ଟିଆ ଭାରତ ବନ୍ଦ ଡାକରା ଦିଆଯାଇଛି । ଦ୍ରବ୍ୟ ଓ ସେବା କର (ଜିଏସ୍ଟି)ର ବିଭିନ୍ନ ସଂଶୋଧିତ ନିୟମକୁ ବିରୋଧ କରି ସେମାନେ ଏହି ଡାକରା ଦେଇଛନ୍ତି । ଏହି ବନ୍ଦ ପାଳନକୁ ୪୦,୦୦୦ ବ୍ୟବସାୟୀ ସଂଘ ସହ ଜଡ଼ିତ ୮ କୋଟିରୁ ଅଧିକ ବ୍ୟବସାୟୀ ସମର୍ଥନ କରିବେ ବୋଲି ସିଏଆଇଟି ପକ୍ଷରୁ କୁହାଯାଇଛି ।
ଓଡ଼ିଶା ବ୍ୟବସାୟୀ ମହାସଂଘ ବନ୍ଦକୁ ସମର୍ଥନ ଜଣାଇଛି । ଏହାର ସାଧାରଣ ସମ୍ପାଦକ ସୁଧାକର ପଣ୍ଡାଙ୍କ କହିବାନୁଯାୟୀ, ଶାନ୍ତିର ସହ ରାଜ୍ୟରେ ବନ୍ଦ ପାଳନ କରାଯିବ । କୌଣସି ପ୍ରକାର ପିକେଟିଂ ହେବନାହିଁ । ଦାବିଗୁଡ଼ିକ ଯୁକ୍ତିଯୁକ୍ତ । ଭାରତୀୟ ସମ୍ବିଧାନକୁ ସମ୍ମାନ ଦେଇ ଆମେ ଏସବୁ ଦାବି ରଖିଛୁ । ରାଜ୍ୟର ୨୦ ଲକ୍ଷ ବ୍ୟବସାୟିକ ପ୍ରତିଷ୍ଠାନ ବନ୍ଦରେ ସାମିଲ ହେବେ ।
ସର୍ବଭାରତୀୟ ମୋଟର ପରିବହନ କଲ୍ୟାଣ ସଂଘ ମଧ୍ୟ ବନ୍ଦକୁ ସମର୍ଥନ କରୁଛନ୍ତି । ଏହା ଅଧୀନରେ ଥିବା ଟ୍ରକଗୁଡ଼ିକ ରାସ୍ତାକୁ ଓହ୍ଲାଇବେ ନାହିଁ । ଅତ୍ୟାବଶ୍ୟକ ସେବା ଯେପରି କି ଔଷଧ ଏବଂ ପେଟ୍ରୋଲ ପମ୍ପ ଆଦି ଖୋଲା ରହିବ । କାହାକୁ ବନ୍ଦରେ ସାମିଲ ହେବା ପାଇଁ ବାଧ୍ୟ କରାଯାଉ ନାହିଁ । ଏହା ସତ୍ତେ୍ୱ ନିଜ ଆଡ଼ୁ ଏଥିରେ ଯୋଗଦେବା ପାଇଁ ସମସ୍ତେ ନିଷ୍ପତ୍ତି ନେଇଛନ୍ତି ।
