ଛାନିଆ କଲାଣି କୋଲକାତା , ପ୍ରତି ଦୁଇ ଜଣରେ ଜଣେ ପଜିଟିଭ

Apr 25, 2021 - 09:37 Updated: Apr 25, 2021 - 09:37

3066

ଛାନିଆ କଲାଣି କୋଲକାତା , ପ୍ରତି ଦୁଇ ଜଣରେ ଜଣେ ପଜିଟିଭ

କୋଲକାତା: ଦେଶରେ କରୋନା ସ୍ଥିତି ଅତି ଭୟଙ୍କର ରୂପ ଧାରଣ କଲାଣି । ଛାତି ଥରାଇଦେଲା ଭଳି ହାରରେ ମାଡି ଚାଲିଛି କୋଭିଡର ଦ୍ୱିତୀୟ ଲହରୀ । ଦେଶରେ ଦୈନିକ ୩ ଲକ୍ଷ ଉପରେ କରୋନା ସଂକ୍ରମଣ ଚିହ୍ନଟ ହେଉଛନ୍ତି । ଆଜି ବି ଦେଶରୁ ୩ ଲକ୍ଷ ୪୯ ହଜାର ୬୯୧ ଜଣ ନୂଆ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ଦେଶରେ ୨୪ ଘଂଟାରେ କରୋନାରେ ୨୭୬୭ ଜଣ ମୃତୁ୍ୟବରଣ କରିଛନ୍ତି । ଏବେ ମନେ ହେଉଛି ଯେମିତି କରୋନା ସୁନାମୀ ଗିଳିଯିବ ସାରା ଦେଶକୁ । କୋଭିଡ ଆରମ୍ଭ ହେବା ଦିନଠାରୁ ଏହା ବିଶ୍ୱରେ ସର୍ବାଧିକ ଦୈନିକ ସଂକ୍ରମଣ । ଏହା ଭିତରେ ସାମନାକୁ ଆସିଲା ଆଉ ଏକ ବଡ ଖବର । ତାହା ହେଲା ଛାନିଆ କଲାଣି କୋଲକାତା, ପ୍ରତି ଦୁଇ ଜଣରେ ଜଣେ ପଜିଟିଭ । ତ୍ରିପଲ୍ଟ ମୁ୍ୟଟାଂଟ ଯୋଗୁଁ ପଶ୍ଚିମପଙ୍ଗର ସ୍ଥିତି ସଙ୍ଗୀନ ହେବାରେ ଲାଗିଛି । କୋଲକାତାରେ ପ୍ରତି ଦୁଇ ଜଣରେ ଜଣେ ବ୍ୟକ୍ତି ସଂକ୍ରମଣ ହେଉଛନ୍ତି । ଆରଟିପିସିଆର ଟେଷ୍ଟରୁ ଚିହ୍ନଟ ହେଉଛନ୍ତି । ପଶ୍ଚିମବଙ୍ଗର ଅନ୍ୟ ସ୍ଥାନ ଗୁଡିକରେ ପ୍ରତି ୪ ଜଣଣରେ ଜଣେ ପଜିଟିଭ । ଚଳିତ ମାସ ପ୍ରଥମରୁ ଏହି ସଂଖ୍ୟା ୨୦ରୁ ଜଣେ ପଜିଟିଭ ଥିଲେ । କୋଲକାତା ଓ ଆଖପାଖ ଅଂଚଳରେ ସଂକ୍ରମଣ ଅଂଚଳରେ ସଂକ୍ରମଣ ହାର ୪୫-୫୫ ପ୍ରତିଶତ ରହିଛି । ରାଜ୍ୟର ଅନ୍ୟ ସ୍ଥାନରେ ସଂକ୍ରମଣ ହାର ୨୪ % ଥିବା ବୋଲି ସୂଚନା ମିଳିଛି ।