ଚାରି ମାସ ମଧ୍ୟରେ ପ୍ରଥମ ପାଇଁ ୩୦ ହଜାର ତଳେ ଦୈନିକ ସଂକ୍ରମଣ
ଚାରି ମାସ ମଧ୍ୟରେ ପ୍ରଥମ ପାଇଁ ୩୦ ହଜାର ତଳେ ଦୈନିକ ସଂକ୍ରମଣ
admin
2849
ନୂଆଦିଲ୍ଲୀ : ବିଗତ ଚାରି ମାସ ମଧ୍ୟରେ ପ୍ରଥମ ଥର ପାଇଁ ୩୦ ହଜାର ତଳେ ରହିଛି କରୋନା ସଂକ୍ରମଣ ସଂଖ୍ୟା । ୨୪ ଘଣ୍ଟା ମଧ୍ୟରେ ୨୯ ହଜାର ୧୬୩ ନୂତନ ଆକ୍ରାନ୍ତ ଚିହ୍ନଟ ହୋଇଥିବା ବେଳେ ସମୁଦାୟ ଆକ୍ରାନ୍ତଙ୍କ ସଂଖ୍ୟା ୮୮ ଲ୪ ୭୪ ହଜାର ୨୯୦ରେ ପହଞ୍ଚିଛି । ୪୪୯ଟି ନୂତନ ମୃତ୍ୟୁ ସହିତ ଦେଶରେ ମୃତ୍ୟୁ ସଂଖ୍ୟା ୧ ଲକ୍ଷ ୩୦ ହଜାର ୫୧୯ରେ ପହଞ୍ଚିଛି । ଏହି ସମୟ ସୀମା ମଧ୍ୟରେ ୪୦ ହଜାର ୭୯୧ ଜଣ ଆକ୍ରାନ୍ତ ଆରୋଗ୍ୟ ଲାଭ କରିଛନ୍ତି । ଏହାକୁ ମିଶାଇ ସମୁଦାୟ ଆରୋଗ୍ୟଙ୍କ ସଂଖ୍ୟା ୮୨ ଲକ୍ଷ ୯୦ ହଜାର ୩୭୦ରେ ପହଞ୍ଚିଛି ।
ସକ୍ରିୟ ଆକ୍ରାନ୍ତଙ୍କ ସଂଖ୍ୟା ହ୍ରାସ ପାଇ ୪ ଲକ୍ଷ ୫୩ ହଜାର ୪୦୧ରେ ପହଞ୍ଚିଥିବା ନେଇ କେନ୍ଦ୍ର ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରାଳୟ ପକ୍ଷରୁ ସୂଚନା ପ୍ରଦାନ କରାଯାଇଛି । ବିଗତ ୨୪ ଘଣ୍ଟା ମଧ୍ୟରେ ମହାରାଷ୍ଟ୍ରରୁ ସର୍ବାଧିକ ୨୫୩୫ ଆକ୍ରାନ୍ତ ଚିହ୍ନଟ ହୋଇଛନ୍ତି ଏବଂ ୬୦ ଜଣଙ୍କର ମୃତ୍ୟୁ ଘଟିଛି । ଲାକ୍ଷାଦ୍ୱୀପରେ ଜଣେ ହେଲେ ବି ଆକ୍ରାନ୍ତ ଚିହ୍ନଟ ହୋଇନଥିବା ଜଣାପଡିଛି ।
ସମଗ୍ର ବିଶ୍ୱରେ କରୋନା ଆକ୍ରାନ୍ତଙ୍କ ସଂଖ୍ୟା ୫ କୋଟି ୫୦ ଲକ୍ଷ ଅତିକ୍ରମ କରିଛି । ଏହା ମଧ୍ୟରୁ ୩ କୋଟି ୫୩ ଲକ୍ଷ ୩୩ ହଜାର ୫୦୩ ଜଣ ସୁସ୍ଥ ହୋଇଛନ୍ତି । ୧୩ ଲକ୍ଷ ୨୬ ହଜାର ୮୯୮ ଜଣଙ୍କର ପ୍ରାଣହାନି ଘଟିଥିବା ବେଳେ ସକ୍ରିୟ ଆକ୍ରାନ୍ତଙ୍କ ସଂଖ୍ୟା ୧ କୋଟି ୮୩ ଲକ୍ଷ ୫୭ ହଜାର ୨୨୧ ରହିଛି । ମୃତ୍ୟୁ ସଂଖ୍ୟାରେ ଆମେରିକା ଏକ ନମ୍ବର ସ୍ଥାନରେ ରହିଥିବା ବେଳେ ଭାରତ ଏବଂ ବ୍ରାଜିଲ ଦ୍ୱିତୀୟ ଏବଂ ତୃତୀୟ ସ୍ଥାନରେ ରହିଛନ୍ତି ।
