ଚଳନ୍ତା ବାଇକକୁ ଠେଲି ଟଙ୍କା ଭର୍ତ୍ତି ବ୍ୟାଗ ଛଡ଼ାଇ ନେଲେ
ଚଳନ୍ତା ବାଇକକୁ ଠେଲି ଟଙ୍କା ଭର୍ତ୍ତି ବ୍ୟାଗ ଛଡ଼ାଇ ନେଲେ
admin
2361
ବାରଙ୍ଗ: ଅପରାହ୍ନ ପ୍ରାୟ ୩ଟା ବେଳେ ସ୍ଥାନୀୟ ବିଦ୍ୟାଧରପୁର ରାସ୍ତାରେ ଜଣେ ଫାଇନାନ୍ସ କମ୍ପାନୀର କର୍ମଚାରୀ ଲୁଟର ଶିକାର ହୋଇଛନ୍ତି । ଦୁର୍ବୃତ୍ତମାନେ ତାଙ୍କ ଚଳନ୍ତା ବାଇକକୁ ଗୋଇଠା ମାରି ତାଙ୍କୁ ରାସ୍ତାରେ ପକାଇ ଦେବା ପରେ ତାଙ୍କ ଟଙ୍କା ଭର୍ତ୍ତି ବ୍ୟାଗ ଛଡ଼ାଇ ଫେରାର ହୋଇଯାଇଛନ୍ତି । ଖବର ପାଇ ବାରଙ୍ଗ ଥାନା ପୁଲିସ ତଦନ୍ତ ଆରମ୍ଭ କରିଥିଲେ ହେଁ ଦୁର୍ବୃତ୍ତମାନଙ୍କ ପତ୍ତା ମିଳିନାହିଁ । ସୂଚନା ଅନୁସାରେ, ଭାରତ ଫାଇନାନ୍ସ କମ୍ପାନୀର ଏହି କର୍ମଚାରୀ ବିଦ୍ୟାଧରପୁର ଗ୍ରାମରୁ ମହିଳା ମଣ୍ଡଳଙ୍କଠାରୁ ଋଣ ଟଙ୍କା ଆଦାୟ କରି ଫେରୁଥିଲେ । ସେ ପ୍ରାୟ ୧ ଲକ୍ଷ ୨୦ ହଜାର ଟଙ୍କା ଆଦାୟ କରିଥିଲେ । ବିଦ୍ୟାଧରପୁର ରାସ୍ତାରେ ଏକ ନିଛାଟିଆ ସ୍ଥାନରେ ପହଞ୍ଚିଥିବା ବେଳେ ପଛରୁ ଆସୁଥିବା ଏକ ପଲସର ବାଇକକୁ ଦେଖି ସେ ତାଙ୍କ ଗାଡ଼ିରେ ବେଗ କମାଇବା ସହ ଉକ୍ତ ବାଇକକୁ ସାଇଡ ଦେଇଥିଲେ । ଉକ୍ତ ବାଇକରେ ୩ ଜଣ ଯୁବକ ଥିଲେ । ହଠାତ ଜଣେ ଦୁର୍ବୃତ୍ତ ତାଙ୍କ ବାଇକକୁ ଶକ୍ତ ଗୋଇଠା ମାରିଥିଲା । ଫଳରେ କର୍ମଚାରୀଜଣକ ଭାରସାମ୍ୟ ହରାଇ ରାସ୍ତାରେ ପଡି ଯାଇଥିଲେ । ଏହି ଉକାରେ ବାଇକରୁ ଓହ୍ଲାଇ ଜଣେ ଦୁର୍ବୃତ୍ତ ତାଙ୍କ ପାଖରୁ ଟଙ୍କା ଭର୍ତ୍ତି ବ୍ୟାଗ ଟାଣି ନେଇଥିଲା ।
